ചെങ്ങന്നൂർ തൃച്ചിറ്റാറ്റ് ശ്രീ മഹാവിഷ്ണുക്ഷേത്രത്തിലെ മോഷണത്തിൽ അന്വേഷണം ഊർജിതമാക്കി പോലീസ്.
ചെങ്ങന്നൂർ തൃച്ചിറ്റാറ്റ് മഹാവിഷ്ണുക്ഷേത്രത്തിലെ കിഴക്കേ ഗോപുര നടയിൽ ബുധനാഴ്ച അർദ്ധരാത്രിക്ക് ശേഷം ആണ്
മോഷണം നടന്നത്. പുലർച്ചെ ക്ഷേത്രത്തിലെത്തിയ വാച്ചർ ലൈറ്റ് അണയ്ക്കാൻ നോക്കുമ്പോഴാണ് കാണിക്ക വഞ്ചി തുറന്നു കിടക്കുന്നതായി കണ്ടത്. ഉടൻ തന്നെ ഇദ്ദേഹം ക്ഷേത്രം മേൽശാന്തിയെയും തുടർന്ന് ദേവസ്വം അധികൃതരെയും വിവരമറിയിക്കുകയായിരുന്നു. ഭാരവാഹികൾ നൽകിയ പരാതിയുടെ അടിസ്ഥാനത്തിൽ ചെങ്ങന്നൂർ പോലീസ് സ്ഥലത്തെത്തി അന്വേഷണം ആരംഭിച്ചു. ഭണ്ഡാരത്തിന്റെ പൂട്ട് തകർത്ത നിലയിലാണ്. രണ്ടാഴ്ച മുൻപ് കാണിക്ക ശേഖരിച്ചിരുന്നതിനാൽ വലിയ തുക നഷ്ടപ്പെട്ടിട്ടില്ലെന്നാണ് ക്ഷേത്രം ഭാരവാഹികൾ വ്യക്തമാക്കുന്നത്. എന്നാൽ ഈ ഭാഗത്ത്
ക്ഷേത്രത്തിന്റെ ഏറ്റവും മുൻപിലാണ് കവർച്ച ചെയ്യപ്പെട്ട വഞ്ചി ഇരിക്കുന്നത്.
