ബംഗളോർ, സന്തേർഷാ എന്നീ പേരുകളിലും തോത്താപ്പുരി എന്ന മാമ്പഴം അറിയപ്പെടുന്നു. കൂടാതെ ഗിനിമൂത്തി, കിളിമൂക്ക് എന്നും വിളിക്കാറുണ്ട്.
ബാംഗ്ലൂരിൻ്റെ ഇഷ്ടമാമ്പഴമാണ് തോത്താപ്പുരി. അതുകൊണ്ടാണ് ബംഗളോർ എന്ന പേരുള്ളത്.
അടിഭാഗം തത്തച്ചുണ്ട് പോലെ കൂർത്തിരിക്കുന്നതു കൊണ്ടാണ് കിളിമൂക്ക് എന്നു വിളിക്കുന്നത്.
വലിപ്പമുള്ള മാമ്പഴമാണിത്. 6 മുതൽ 8 ഇഞ്ച് വരെ നീളമുണ്ടാകും. തൊലി കട്ടിയുള്ളതാണ്. പച്ച, സ്വർണ മഞ്ഞ നിറങ്ങളിൽ കാണപ്പെടുന്നു.
അണ്ടി വളരെ ചെറുതായിരിക്കും. മാംസളം കൂടുതലുണ്ടാകും.
മെയ് മുതൽ ജൂലായ് വരെയാണ് തോത്താപ്പുരിയുടെ സീസൺ.
തോത്താപ്പുരിയുടെ സ്വദേശം ആന്ധ്രപ്രദേശ് ആണെങ്കിലും കർണാടകയിലും തമിഴ് നാട്ടിലും വളരുന്നുണ്ട്.
മധുരവും പുളിയും കലർന്ന രുചിയാണിതിന്.
ആൻ്റി ഓക്സിഡൻ്റുകളും വിറ്റാമിൻ എ, സി എന്നിവയും പൊട്ടാസ്യവും ഈ മാമ്പഴത്തിൽ അടങ്ങിയിരിക്കുന്നു.
അച്ചാറിടാനും ജാം ഉണ്ടാക്കാനും പറ്റിയ ഇനം മാമ്പഴമാണ്.
മാമ്പഴജൂസ് ഉണ്ടാക്കാനും നല്ലതാണ്.
ടൂറിസ്റ്റ് സ്ഥലങ്ങളിലെല്ലാം വളരെ ഭംഗിയോടെ കഷണങ്ങളായി കീറി ഉപ്പും എരിവും ചേർത്ത് വിൽക്കാൻ വെച്ചിരിക്കുന്നത് തോത്താപ്പുരിയാണ്.