കൊച്ചി : മംഗലപ്പുഴ പാലത്തിൽ അറ്റകുറ്റപ്പണി നടക്കുന്നതിനാൽ ആലുവ ദേശീയപാതയിൽ വെള്ളിയാഴ്ച മുതൽ 20 ദിവസത്തേക്ക് ഗതാഗത നിയന്ത്രണം ഏർപ്പെടുത്തി.
അറ്റകുറ്റപ്പണി നടക്കുന്ന സമയം ഇതുവഴി ഒരു വരി ഗതാഗതം മാത്രമേ അനുവദിക്കൂ.
സെമിനാരിപ്പടി യു ടേൺ പൂർണമായും അടയ്ക്കും. ഇവിടെ നിന്നും തിരിയേണ്ട വാഹനങ്ങൾ പറവൂർക്കവല സിഗ്നലിൽ നിന്നും തിരിഞ്ഞുപോകണം.
എറണാകുളം ഭാഗത്തേക്കുള്ള ഭാരവാഹനങ്ങൾ രാവിലെ മുതൽ അങ്കമാലി സിഗ്നൽ ജംഗ്ഷനിൽനിന്ന് എം‌സി റോഡിൽ പ്രവേശിച്ച് കാലടി വഴി തിരിഞ്ഞ് ആലുവ ഭാഗത്തേക്ക് പോകണം.