ഇസ ആരിഫ് എന്ന ആറ് വയസുകാരിയാണ് സോഷ്യല് മീഡിയയിലെ ഇപ്പോഴത്തെ താരം.
ഒറ്റയ്ക്ക് ഗ്രൂപ്പ് ഡാൻസ് കളിച്ചാണ് ഇസ ഒരാഴ്ച കൊണ്ട് നാട്ടിലെ താരമായത്.
മുന്നിലുള്ള കണ്ണാടി നോക്കിയാണ് ഇസ നൃത്തം ചെയ്യുന്നത്.
ഒറ്റ നോട്ടത്തില് നാല് പേർ നിന്ന് ഡാൻസ് കളിക്കുന്നതായാണ് തോന്നുക. വീഡിയോടൊപ്പം ‘ഒറ്റയ്ക്ക് ഗ്രൂപ്പ് ഡാൻസ് കളിക്കുന്നു’എന്ന അടിക്കുറിപ്പ് കൂടിയായപ്പോള് സംഭവം ഉഷാറായി.
കുട്ടിയുടെ അച്ഛനാണ് പാട്ട് വച്ചുകൊടുക്കുന്നത്. പിന്നീട്, ചുറ്റുമുള്ള ആരെയും ശ്രദ്ധിക്കാതെ ഇസയുടെ ഡാൻസും തുടങ്ങി. അമ്മ വീഡിയോ ചിത്രീകരിച്ചു. ദുബായില് താമസിക്കുന്ന പൊന്നാനി സ്വദേശികളുടെ മകളാണ് ഇസ. യുട്യൂബ് ചാനലിലൂടെ ഇസയുടെ അമ്മയാണ് വീഡിയോ പങ്കുവച്ചത്. ഇതിന് പിന്നാലെ സമൂഹമാദ്ധ്യമങ്ങള് ഏറ്റെടുക്കുകയായിരുന്നു. നിരവധി പേരാണ് ഇസക്കുട്ടിയ്ക്ക് ആശംസകള് അറിയിച്ച് രംഗത്തെത്തിയത്. ഇസയെ പുകഴ്ത്തുന്ന ഒരുപാട് വാക്കുകളും കമന്റ് ബോക്സില് നിറയുകയാണ്.