അരൂരിലെ യുഡിഎഫ് സ്ഥാനാർത്ഥി ഷാനിമോള് ഉസ്മാനെതിരെ പൊലീസ് കേസെടുത്തു. എല്ഡിഎഫ്, എൻഡിഎ പ്രവർത്തകർക്കെതിരെയും കേസെടുത്തിട്ടുണ്ട്.പോളിങ്ങ് ബൂത്തില് നിരോധന ഉത്തരവ് ലംഘിച്ചതിനാണ് പൂച്ചാക്കല് പൊലീസിന്റെ നടപടി.പോളിങ്ങ് സമയം കഴിഞ്ഞ ശേഷം ബൂത്തില് കയറാൻ ആർക്കും അനുവാദം ഇല്ല എന്ന തിരഞ്ഞെടുപ്പ് ചട്ടം ലംഘിച്ചതിനാണ് നടപടി. ഷാനിമോള് ഉസ്മാനെ പെരുമ്പളം സർക്കാർ സൗത്ത് എല്പി സ്കൂളിലെ പോളിങ്ങ് സ്റ്റേഷനുള്ളിലേക്ക് കടത്തിവിടാത്തതിനെ ചൊല്ലി സംഘർഷമുണ്ടായിരുന്നു. പോളിങ് സമയത്തിന് ശേഷം പോളിങ് ബൂത്തില് കയറാൻ അനുവദിക്കാത്തതിന്നെ തുടർന്ന് ഷാനിമോള് ഉസ്മാൻ കുത്തിയിരുന്ന് പ്രതിഷേധിച്ചിരുന്നു.