പൊതുമരാമത്ത് വകുപ്പ് സംഘടിപ്പിക്കുന്ന വിഷൻ 2031 ശിൽപശാലയുടെ രജിസ്ട്രേഷൻ ആരംഭിച്ചു. പങ്കെടുക്കാൻ താൽപര്യമുള്ളവർ https://share.google/uxUb2OEL6vT9uVInc എന്ന ലിങ്ക് വഴി ഒക്ടോബർ 14 നകം രജിസ്റ്റർ ചെയ്യണം.ഒക്ടോബർ 18 ന് രാവിലെ 9 മണി മുതൽ കോഴിക്കോട് ആസ്പിൻ കോർട്ട് യാർഡിലാണ് സെമിനാർ നടക്കുക. കേരള സംസ്ഥാനം രൂപീകരിച്ചതിന്റെ 75-ാം വാർഷികം ആഘോഷിക്കുന്ന 2031 ൽ കേരളം എങ്ങനെ ആകണമെന്ന കാഴ്ചപ്പാട് രൂപീകരിക്കുന്നതിന്റെ ഭാഗമായാണ് പരിപാടി സംഘടിപ്പിക്കുന്നത്.പൊതുമരാമത്ത് വകുപ്പിന്റെ കഴിഞ്ഞകാല വളർച്ച വിലയിരുത്തുന്നതിനോടൊപ്പം ഭാവിയിലെ വികസന ലക്ഷ്യങ്ങൾ ആസൂത്രണം ചെയ്യുകയും ചെയ്യും. സെമിനാറിനെ തുടർന്ന് നടക്കുന്ന ചർച്ചയുടെ അടിസ്ഥാനത്തിൽ കരട് നയരേഖ തയ്യാറാക്കും. പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ്, സാങ്കേതിക വിദഗ്ധർ, സാമൂഹിക രാഷ്ട്രീയ മണ്ഡലങ്ങളിലെ പ്രമുഖ വ്യക്തിത്വങ്ങൾ, ജനപ്രിതിനിധികൾ, സാങ്കേതിക വിദ്യാഭ്യാസ വിദഗ്ധർ എന്നിവർ ശിൽപശാലയിൽ പങ്കെടുക്കും.