പല തരത്തിലുള്ള വാർത്തകളാണ് ഓരോ ദിവസവും നമ്മൾ കേൾക്കുന്നത്. എന്നാൽ ഇത്തരമൊരു പുത്തൻ വാർത്ത ഈ അടുത്ത കാലത്തൊന്നും കേട്ടിട്ടില്ല.
ഇന്ത്യയിൽ സ്ത്രീകൾക്ക് 18 ഉം പുരുഷന്മാർക്ക് 21 -ഉം ആണ് നിയമപരമായി വിവാഹിതരാവാനുള്ള പ്രായം.
എന്നാൽ ഇവിടെ 25 -കാരി 16 -കാരനെ വിവാഹം കഴിക്കണമെന്നും പറഞ്ഞ് അവന്റെ വീട്ടിൽ താമസിക്കുകയാണത്രെ. ഉത്തർ പ്രദേശിലെ മീററ്റിൽ നിന്നുള്ള ആളാണ് യുവതി.
സോഷ്യൽ മീഡിയയിലൂടെയാണ് ഇവർ പരിചയപ്പെട്ടത്. ഇതിന് പിന്നാലെ, ഇവർ സൗഹൃദത്തിലായി.
യുവതി അവനെ മാത്രമേ വിവാഹം കഴിക്കൂ എന്നും പറഞ്ഞ് വീട്ടിൽ നിന്നും ഇറങ്ങിപ്പോരുകയായിരുന്നു. തുടർന്നാണ് അവന്റെ വീട്ടിൽ താമസിക്കുന്നത്.
ഇതിൽ, 16 -കാരന്റെ മാതാപിതാക്കൾ പൊലീസിൽ പരാതി നൽകി. ഇറക്കിവിട്ടാൽ ആ നിമിഷം ആത്മഹത്യ ചെയ്യും എന്നാണ് യുവതിയുടെ ഭീഷണി.
യുവതിയെ സ്വന്തം വീട്ടുകാർ സ്വീകരിച്ചില്ലെങ്കിൽ അവളെ വനിതാ അഭയകേന്ദ്രത്തിലാക്കുക എന്നതല്ലാതെ വഴിയില്ല എന്ന് സ്റ്റേഷൻ ഹൗസ് ഓഫീസർ വീരേന്ദ്ര കുമാർ പറഞ്ഞു.