കുഞ്ഞിൻ്റെ നൂലുകെട്ട് ചടങ്ങിന് മണിക്കൂറുകൾ മുൻപ് ബൈക്കപകടത്തിൽ പിതാവും ഭാര്യാസഹോദരിയും മരിച്ചു.
കാസർകോട് തൃക്കരിപ്പൂർ സ്വദേശി സൂഫിയാൻ (23), കൊച്ചി കടവന്ത്ര കസ്തൂർബാനഗർ ആനാം തുരുത്തി വീട്ടിൽ രാജു-ഉമാദേ വി ദമ്പതിമാരുടെ മകൾ മീനാക്ഷി (21) എന്നിവരാണ് മരിച്ചത്.ഞായറാഴ്ച പുലർച്ചെ 12.30-ന് കൊച്ചി തേവര വായനശാലയ്ക്ക് മുന്നിലായിരുന്നു അപകടം.
ഞായറാഴ്ചയാണ് സൂഫിയാന്റെയും ഭാര്യ മാളവികയുടെയും മകളുടെ നൂലുകെട്ട് നിശ്ചയിച്ചിരുന്നത്. കൊച്ചുകടവന്ത്ര ജി.സി. ഡി.എ. കമ്യൂണിറ്റി ഹാളിൽ നൂലു കെട്ട് നടത്താനായിരുന്നു തീരുമാനം. ബന്ധുക്കളെയും അയൽക്കാരെയും സുഹൃത്തുക്കളെ യും ക്ഷണിച്ചിരുന്നു.
അർധരാത്രിയോടെ സൂഫിയാനും മീനാക്ഷിയും കുഞ്ഞിന് ഡയപ്പർ വാങ്ങാനായി പുറത്തേക്ക് ഇറങ്ങി. ഇവർ സഞ്ചരിച്ചിരുന്ന ബൈക്ക് വളവിലെ വൈദ്യുതി തൂണിലേക്ക് ഇടിച്ചുകയറി ഭക്ഷണശാലകൾക്ക് മുന്നിൽ പാർക്ക് ചെയ്തിരുന്ന വാഹനങ്ങളുടെ മുകളിലേക്ക് മറിഞ്ഞുവീഴുകയായിരുന്നു. ഇടിയുടെ ആഘാതത്തിൽ ഇരുവരും തെറിച്ചുവീണു. നാട്ടുകാർ ഇരുവരെയും ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.