സിപിഐ പാർട്ടി കോൺഗ്രസ് വേദിക്കു തൊട്ടടുത്തുണ്ടായ വാഹനാപകടത്തിൽ സംസ്ഥാന കൗൺസിൽ അംഗത്തിന് പരുക്ക്.എറണാകുളത്തു നിന്നുള്ള വനിത നേതാവ് കമല സദാനന്ദനു ആണ് ചണ്ഡിഗഡിലെ സി പി ഐ പാർട്ടി കോൺഗ്രസ് വേദിക്ക് സമീപത്ത് സാരമായ പരുക്കേറ്റത്.റോഡ് മുറിച്ചു കടക്കുന്നതിനിടെ സ്കൂട്ടർ ഇടിക്കുകയായിരുന്നു. സമ്മേളന വേദിയിലേക്കു വരുമ്പോഴായിരുന്നു അപകടം. തോളിനും ഇടുപ്പെല്ലിനുമാണു പരുക്കേറ്റ കമലയെ ആദ്യം ചണ്ഡിഗഡ് മെഡിക്കൽ കോളജ് ആശുപ്രതിയിൽ പ്രവേശിപ്പിച്ചെങ്കിലും ശസ്ത്രക്രിയ നിർദേശിച്ചതോടെ ഇന്നു രാവിലെ വിമാനത്തിൽ കൊച്ചിയിലെത്തിച്ച് എറണാകുളം മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിക്കാൻ പാർട്ടി നേതൃത്വം തീരുമാനിച്ചു.മുൻ ജില്ലാ സെക്രട്ടറി കെ.എൻ. ദിനകരനും ഭാര്യയും കമല സദാനന്ദനൊപ്പം വരുന്നുണ്ട്.