‘വിജയ് കൊലയാളി’, വിജയ്ക്ക് എതിരെ നാമക്കലില് പോസ്റ്ററുകള്. വിജയ് കൊലയാളി എന്ന് പോസ്റ്ററില്.വിദ്യാര്ഥി യൂണിയന്റ് പേരിലാണ് പോസ്റ്റര് രൂപപ്പെട്ടത്. പിന്നില് ഡിഎംകെ എന്ന് ടിവികെ ആരോപണം.വിജയ്യെ ഉടന് അറസ്റ്റ് ചെയ്യണമെന്ന തരത്തിലുള്ള പോസ്റ്ററുകളും കരൂരില് വ്യാപകമായി പ്രചരിക്കുന്നുണ്ട്.’വിജയ്യെ ഉടന് അറസ്റ്റ് ചെയ്യണം, ആള്കൂട്ട ദുരന്തമുണ്ടാക്കി ഒളിച്ചോടിയ രാഷ്ട്രീയ നേതാവാണ് വിജയ്, കൊലപാതകിയായ വിജയിയെ ഉടന് അറസ്റ്റ് ചെയ്യണം’, തുടങ്ങിയ പോസ്റ്ററുകളാണ് കരൂരില് കാണുന്നത്.
തമിഴ്നാട് സ്റ്റുഡന്റസ് യൂണിയന്റെ പേരിലാണ് പോസ്റ്ററുകള് പതിപ്പിച്ചിരിക്കുന്നത്. അതേസമയം കരൂര് ദുരന്തത്തില് മരിച്ചവര്ക്ക് ആദരമായി ഇന്ന് സംസ്ഥാന വ്യാപകമായി വ്യാപാരികള് കടമുടക്ക് പ്രഖ്യാപിച്ചിട്ടുണ്ട്. കരൂരിലേക്ക് പോകാന് വിജയ് അനുമതി തേടിയിരുന്നു എന്നാല് പൊലീസ് അനുമതി നിഷേധിച്ചു. ഇന്നലെ രാത്രി വിജയ് പൊലീസുമായി സംസാരിച്ചെന്ന് ടിവികെ അറിയിച്ചു.പൊലീസ് അനുമതി നിഷേധിച്ചതില് കോടതിയെ സമീപിക്കാനൊരുങ്ങുകയാണ് ടിവികെ. മദ്രാസ് ഹൈക്കോടതിയെയാണ് ടിവികെ സമീപിക്കാനൊരുങ്ങുന്നത്. പൊലീസ് സുരക്ഷ ഒരുക്കണമെന്നാണ് പാര്ട്ടിയുടെ ആവശ്യം.