പാലക്കാട് വാഹനാപകടത്തില് പ്ലസ്ടു വിദ്യാര്ത്ഥി മരിച്ചു. പാലക്കാട് മണ്ണാർക്കാട് പള്ളികുറുപ്പ് സ്വദേശി ദില്ജിത്ത്(17 )ആണ് മരിച്ചത്.പാലക്കാട് മണ്ണാർക്കാട് -കാഞ്ഞിരപ്പുഴ റോഡിലാണ് അപകടമുണ്ടായത്. ബൈക്കും ഒമ്നി വാനും കൂട്ടിയിടിച്ചായിരുന്നു അപകടം. ദില്ജിത്ത് സബ് ജില്ല കലോത്സവത്തില് പങ്കെടുക്കാൻപോകുന്നതിനിടെയാണ് അപകടമുണ്ടായത്. പള്ളിക്കുറുപ്പ് സ്കൂളിലെ പ്ലസ്ടു വിദ്യാർഥിയാണ് മരിച്ച ദില്ജിത്ത്. മണ്ണാര്ക്കാട് സബ് ജില്ലാ കലോത്സവത്തില് കഴിഞ്ഞദിവസം ചിത്രരചനയില് എ ഗ്രേഡോടെ ഒന്നാം സ്ഥാനം ലഭിച്ചിരുന്നു.ഇന്ന് നടക്കുന്ന നാടൻപാട്ട് മത്സരത്തില് പങ്കെടുക്കാൻ പോകുന്നതിനിടെയാണ് വാഹനാപകടമുണ്ടായത്.