എം.കെ. സക്കീർ വഖഫ് ബോർഡ് ചെയർമാൻ സ്ഥാനം രാജിവച്ചു.പൊന്നാനിയില് എല്ഡിഎഫ് സ്ഥാനാർഥിയായി മത്സരിക്കാനിരിക്കെയാണ് രാജി.മുസ്ലിംലീഗില് നിന്ന് സിപിഎമ്മിലേക്കെത്തിയ കെ.എസ്. ഹംസ വഖഫ് ബോർഡിന്റെ പുതിയ ചെയർമാനാകും.മണ്ഡലം കമ്മിറ്റിയില് ഉയർന്ന കടുത്ത എതിർപ്പ് അവഗണിച്ചാണ് സിപിഎം സംസ്ഥാന നേതൃത്വം സക്കീറിനെ പൊന്നാനിയില് മത്സരിപ്പിക്കാൻ തീരുമാനിച്ചിരിക്കുന്നത്. സ്ഥാനാർഥിനിർണയം റിപ്പോർട്ട് ചെയ്യാനായി ചേർന്ന നിയോജകമണ്ഡലം കമ്മിറ്റി യോഗത്തിലായിരുന്നു സക്കീറിനെതിരെ വിമർശനമുണ്ടായത്.പല ഘടകങ്ങള് പരിഗണിച്ചാണ് സക്കീറിനെ സ്ഥാനാർഥിയായി പരിഗണിച്ചതെന്നും ഇനി പുനരാലോചന ഇല്ലെന്നും സംസ്ഥാന കമ്മിറ്റി വ്യക്തമാക്കിയിരുന്നു.