ഗുരുവായൂര് ക്ഷേത്ര ദര്ശനത്തിന് 70 വയസ്സ് കഴിഞ്ഞവരെ മാത്രം മുതിര്ന്ന പൗരന്മാരായി പരിഗണിച്ചാല് മതിയെന്ന് ദേവസ്വം തീരുമാനം .നിലവില് 60 വയസ്സുമുതലുള്ളവരേയും മുതിര്ന്ന പൗരന്മാരുടെ ദര്ശനവരിയില് പരിഗണിച്ചിരുന്നു.ഇനി മുതല് 70 കഴിഞ്ഞവർ ‘സൂപ്പര് സീനിയേഴ്സ്’ എന്ന പേരിലായിരിക്കും അറിയപ്പെടുക.
അതേസമയം ഭക്തരുടെ സൗകര്യം പരിഗണിച്ച് ഗുരുവായൂരില് വഴിപാട് കൗണ്ടറുകളുടെ എണ്ണം കൂട്ടി. ക്ഷേത്രത്തിന്റെ തെക്കേ മതില്ക്കെട്ടില് വഴിപാട് ശീട്ടാക്കാനും പടിഞ്ഞാറെനടയില് പ്രസാദം വാങ്ങാനുമായി ഓരോ കൗണ്ടര് വീതമാണ് കൂട്ടിയത്. ശീട്ടാക്കാനുള്ള കൗണ്ടറുകളില് ക്ലാര്ക്കുമാര്ക്കു പുറമേ, സുരക്ഷാ ഉദ്യോഗസ്ഥര്ക്കും ചുമതല നല്കിയിട്ടുണ്ട്. വഴിപാട് ശീട്ടാക്കാനും പിന്നീട് പ്രസാദം വാങ്ങാനും ഭക്തര്ക്ക് ഏറെ നേരം വരിനില്ക്കേണ്ട സ്ഥിതിയായിരുന്നു. പൊതു അവധി ദിവസങ്ങളിലാണെങ്കില് ഒരുമണിക്കൂറോളം നീളും. ഭക്തര് നേരിടുന്ന പ്രശ്നങ്ങള് വാര്ത്ത ആയതിന് പിന്നാലെയാണ് ദേവസ്വത്തിന്റെ നടപടി.