നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ്റെ പ്രസ് സെക്രട്ടറിയായി നിസാം സെയ്ദ് നിയമിതനായി.തിരുവഞ്ചൂർ രാധാകൃഷ്ണൻ റവന്യു, ആഭ്യന്തരം, വനം, വന്യജീവി, സ്പോർട്സ്, സിനിമ മന്ത്രിയായിരുന്ന 2011-16 കാലത്തും പ്രസ് സെക്രട്ടറിയായി സേവനം അനുഷ്ഠിച്ചിട്ടുണ്ട്.എംജി സർവകലാശാല മുൻ ഡെപ്യൂട്ടി റജിസ്ട്രാ റായിരുന്നു. എരുമേലി സ്വദേശിയാണ്. മുൻപ് യുഡിഎഫ് സർക്കാരിന്റെ കാലത്ത് തിരുവഞ്ചൂർ രാധാകൃഷ്ണൻ വിവിധ വകുപ്പുകളുടെ മന്ത്രിയായി സേവനമനുഷ്ഠിച്ചപ്പോഴും എസ്. നിസാം അദ്ദേഹത്തിന്റെ പ്രസ് സെക്രട്ടറിയായി മികച്ച രീതിയിൽ പ്രവർത്തിച്ചിരുന്നു.ഔദ്യോഗിക പദവികൾക്ക് പുറമേ ദൃശ്യമാധ്യമങ്ങളിലും സാംസ്കാരിക രംഗത്തും സജീവ സാന്നിധ്യമാണ് എസ്. നിസാം. പ്രമുഖ മലയാളം ടെലിവിഷൻ ചാനലുകളിൽ നടക്കുന്ന വാർത്താധിഷ്ഠിത ചർച്ചകളിൽ രാഷ്ട്രീയ നിരീക്ഷകനായി അദ്ദേഹം സ്ഥിരമായി പങ്കെടുക്കാറുണ്ട്. കൂടാതെ, മലയാളത്തിലും ഇംഗ്ലീഷിലുമായി അദ്ദേഹം എഴുതിയ നിരവധി ലേഖനങ്ങൾ പ്രമുഖ മാധ്യമങ്ങളിൽ പ്രസിദ്ധീകരിക്കപ്പെട്ടിട്ടുണ്ട്.കോട്ടയം ഗവൺമെന്റ് എഞ്ചിനീയറിങ് കോളേജിലെ (ആർഐടി – RIT) പ്രൊഫസറായ ഡോ. ഷാനിഫയാണ് ഭാര്യ. ഫിസ നിസാം, ഫൈസ്‌ നിസാം എന്നിവർ മക്കളാണ്.