അനേകായിരങ്ങൾക്ക് അത്താണിയായി; വിധിയുടെ വിളയാട്ടത്തിൽ വെറുംകൈയോടെ മടക്കം

പ്രവാസത്തിന്റെ വെയിലേറ്റ് വാടിയ ആയിരക്കണക്കിന് മനുഷ്യർക്ക് ഒരു കാലത്ത് തണലേകിയ കോഴിക്കോട് വള്ളത്തായ്പാറ സ്വദേശി അബ്ദുൽ കരീം (കരീംക) മക്കയിൽ അന്തരിച്ചു. സമ്പാദ്യങ്ങൾ എല്ലാം നഷ്ടപ്പെട്ട് ആരോരുമില്ലാതെ ഇരുമ്പ് മുറിയിൽ കിടന്നായിരുന്നു അന്ത്യം.നാൽപ്പത് വർഷം നീണ്ട പ്രവാസജീവിതത്തിനൊടുവിലാണ് അദ്ദേഹം ഈ ലോകത്തോട് വിടപറഞ്ഞത്. വിശുദ്ധ മണ്ണിനെത്തുന്ന പാവപ്പെട്ട തീർത്ഥാടകർക്ക് ഭക്ഷണവും താമസവും ഒരുക്കിക്കൊടുത്ത വലിയൊരു മനസ്സിന് ഉടമയായിരുന്നു കരീംക.ഒരു കാലത്ത് ദിവസവും നൂറുകണക്കിന് ആളുകൾക്ക് യാതൊരു മുടക്കവുമില്ലാതെ അദ്ദേഹത്തിന്റെ വീട്ടിൽ നിന്നും ഭക്ഷണം ലഭിച്ചിരുന്നു. എന്നാൽ ഹറം വികസനത്തിന്റെ ഭാഗമായി ബഹുനില കെട്ടിടങ്ങൾ പൊളിച്ചുനീക്കാൻ തുടങ്ങിയതും, പിന്നാലെയെത്തിയ കോവിഡ് മഹാമാരിയും അദ്ദേഹത്തിന്റെ ബിസിനസ്സ് തകർത്തെറിഞ്ഞു.സാമ്പത്തിക തകർച്ചയെ തുടർന്ന് ഇഖാമ പുതുക്കാനാകാതെയും, 17 വർഷത്തിലധികമായി നാട്ടിലെ കുടുംബത്തെ കാണാനാകാതെയും അദ്ദേഹം മക്കയുടെ തെരുവുകളിൽ കുടുങ്ങിപ്പോകുകയായിരുന്നു.തുടർന്ന് സ്വന്തം സമ്പാദ്യങ്ങളെല്ലാം നഷ്ടപ്പെട്ട്, പട്ടിണിയിലായിരുന്ന അദ്ദേഹം ആരോടും പരാതി പറയാതെ കുറച്ചു സുഹൃത്തുക്കൾ എത്തിച്ചുനൽകുന്ന ഭക്ഷണം മാത്രം കഴിച്ച് ജീവൻ നിലനിർത്തി. ഒടുവിൽ ശരീരം തളർന്ന് രോഗബാധിതനായ അദ്ദേഹം, താൻ താമസിക്കുന്ന ഇരുമ്പ് ഷീറ്റ് മുറിയിൽ വെച്ച് മരണത്തിന് കീഴടങ്ങുകയായിരുന്നു.മരണശേഷം പോലീസിന്റെയും മക്കയിലെ സാമൂഹ്യപ്രവർത്തകൻ മുജീബ് പൂക്കോട്ടുരിന്റെയും ഇടപെടലുകളെ തുടർന്ന് നിയമനടപടികൾ പൂർത്തിയാക്കി കഴിഞ്ഞ ഞായറാഴ്ച മക്കയിലെ ശരായി മഖ്ബറ ഗദീമിൽ അദ്ദേഹത്തിന്റെ ഖബറടക്കം നടത്തി. കരീംകയുടെ വിയോഗത്തിന് ശേഷം മുറി തുറന്ന് പരിശോധിച്ച സുഹൃത്തുക്കൾ കണ്ടത് ആടിയുലയുന്ന ഒരു അലമാരയും പഴയൊരു ഇരുമ്പ് കട്ടിലും കുറച്ചു വസ്‌ത്രങ്ങളും മാത്രമുള്ള അദ്ദേഹത്തിന്റെ ദയനീയമായ അവസ്ഥയാണ്.

Leave a Reply

spot_img

Related articles

പൾസ് പോളിയോ ഇമ്മ്യൂണൈസേഷൻ നവംബർ 22ന്

ഭാരതത്തെ പോളിയോ വിമുക്തമാക്കാൻ ലക്ഷ്യമിട്ട് നടത്തുന്ന പൾസ് പോളിയോ ഇമ്മ്യൂണൈസേഷൻ നവംബർ 22 ഞായറാഴ്ച സംസ്ഥാനത്തെ 10 ജില്ലകളിൽ നടക്കുമെന്ന് ആരോഗ്യ- ദേവസ്വം വകുപ്പ്...

മുഖ്യമന്ത്രിക്ക് നന്ദി അറിയിച്ച് വിദർശ : നിയമന ഉത്തരവ് ഏറ്റുവാങ്ങി

മുഖ്യമന്ത്രി വി ഡി സതീശന് ഹൃദയം നിറഞ്ഞ നന്ദി അറിയിച്ച് ഷൂട്ടിങ് താരം വിദർശ കെ വിനോദ്. കായിക ഡയറക്ടറേറ്റിൽ അസിസ്റ്റന്റ് ഡയറക്ടർ ആയി...

ഷുക്കൂർ വധക്കേസ്: വിധിയിൽ അഭിപ്രായ വ്യത്യാസമുണ്ടെങ്കിൽ സർക്കാരിന് അപ്പീൽ നൽകാം; തിരുവഞ്ചൂർ രാധാകൃഷ്ണൻ

അരിയിൽ ഷുക്കൂർ വധക്കേസിലെ കോടതി വിധിയിൽ അഭിപ്രായവ്യത്യാസമുണ്ടെങ്കിൽ സർക്കാരിന് നിയമപരമായി അപ്പീൽ നൽകാമെന്ന് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ. ഇക്കാര്യത്തിൽ പ്രോസിക്യൂഷനാണ് നിലപാട് വ്യക്തമാക്കേണ്ടതെന്നും...

പത്മജയുടെ രാജി: സംസ്ഥാന നേതാക്കൾ മറുപടി പറയുമെന്ന് സുരേഷ് ഗോപി

പത്മജയുടെ രാജി: സംസ്ഥാന നേതാക്കൾ മറുപടി പറയുമെന്ന് സുരേഷ് ഗോപി.പത്മജയുടെ കാര്യം എന്നോടല്ല ചോദിക്കേണ്ടത്. അവരെ ചേർക്കുന്നതിൽ താൻ ഇടപെട്ടിട്ടില്ല.പുറത്ത് പോകുന്നതിനെ എതിർക്കാനും തനിക്ക്...