ഓർമകളിൽ ‘ക്വീൻ’: സിൽക്ക് സ്മിത വിടവാങ്ങിയിട്ട് 30 വർഷം

തെന്നിന്ത്യൻ ചലച്ചിത്ര ലോകത്തെ എക്കാലത്തെയും വലിയ ഗ്ലാമർ ഐക്കണും മാദകനടിയുമായി അറിയപ്പെട്ടിരുന്ന സിൽക്ക് സ്മിത വിടപറഞ്ഞിട്ട് ഇന്നേക്ക് 30 വർഷം തികയുന്നു. 1996 സെപ്റ്റംബർ 23നാണ് ചെന്നൈയിലെ വസതിയിൽ മരിച്ച നിലയിൽ കണ്ടെത്തുന്നത്.എൺപതുകളിലും തൊണ്ണൂറുകളിലും തെന്നിന്ത്യൻ സിനിമയുടെ തിളങ്ങുന്ന താരങ്ങളിൽ ഒരാളായിരുന്നു സിൽക്ക് സ്മിത. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലായി നാനൂറിലധികം സിനിമകളിൽ അവർ അഭിനയിച്ചിട്ടുണ്ട്. വെള്ളിത്തിരയിൽ ഏതാനും രംഗങ്ങളിലോ പാട്ടുകളിലോ മാത്രം വന്നുപോയാലും സിനിമയുടെ പ്രധാന ആകർഷണമായി മാറാൻ ആ താരത്തിന് കഴിഞ്ഞിരുന്നു.ആന്ധ്രാപ്രദേശിലെ കൊവ്വാലി എന്ന ഗ്രാമത്തിൽ ദാരിദ്ര്യം നിറഞ്ഞ പശ്ചാത്തലത്തിൽ ജനിച്ച വിജയലക്ഷ്മി എന്ന പെൺകുട്ടി കടുത്ത പ്രതിസന്ധികളെ അതിജീവിച്ചാണ് സിനിമയിലെത്തിയത്. സംവിധായകൻ ആന്റണി ഈസ്റ്റ്മാന്റെ ‘ഇണയെ തേടി’ എന്ന മലയാള ചിത്രത്തിലൂടെ നായികയായി തുടക്കം കുറിച്ച അവർ, പിന്നീട് തമിഴിൽ വിനു ചക്രവർത്തി സംവിധാനം ചെയ്ത ‘വണ്ടിച്ചക്രം’ (1980) എന്ന ചിത്രത്തിലെ ‘സിൽക്ക്’ എന്ന കഥാപാത്രത്തിലൂടെയാണ് ശ്രദ്ധേയയായത്. ആ കഥാപാത്രത്തിന്റെ പേര് പിന്നീട് അവരുടെ പേരിന്റെ തന്നെ ഭാഗമായി മാറുകയായിരുന്നു.സിനിമകളിൽ ഗ്ലാമർ വേഷങ്ങളിൽ തിളങ്ങി നിന്നിരുന്നെങ്കിലും, മികച്ച അഭിനയശേഷിയുള്ള നടിയെന്ന നിലയിലും അവർ പല ചിത്രങ്ങളിലും തങ്ങളുടെ കഴിവ് തെളിയിച്ചിട്ടുണ്ട്. എന്നാൽ കരിയറിലെ ഉയർച്ചകൾക്കും വലിയ ജനപ്രീതിക്കും ഒപ്പം കടുത്ത മാനസിക ബുദ്ധിമുട്ടുകളും സാമ്പത്തിക പ്രതിസന്ധികളും നേരിട്ട സിൽക്ക് സ്മിത, തന്റെ 35-ാം വയസ്സിലാണ് ജീവിതത്തോട് വിടപറഞ്ഞത്. ദക്ഷിണേന്ത്യൻ സിനിമാ ചരിത്രത്തിൽ ഇന്നും മായാത്ത മുദ്ര പതിപ്പിച്ചാണ് സിൽക്ക് സ്മിത ഓർമ്മയായി മാറുന്നത്.

Leave a Reply

spot_img

Related articles

ആഷിക്ക് ഉസ്മാൻ -ഡിനോയ് പൗലോസ് ചിത്രം ‘ഹലോ ഡിയർ’ പുതിയ ലുക്കിൽ പോസ്റ്റർ എത്തി

പ്രേക്ഷകരുടെ ഇടയിൽ ഏറെ കൗതുകം നൽകുന്ന യുവനിരയിലെ ശ്രദ്ധേയരായ സംഗീത് പ്രതാപും,മമിതാ ബൈജുവും കേന്ദ്ര കഥാപാത്രങ്ങളെ അവതരിപ്പിക്കുന്ന ഹലോ ഡിയർ എന്ന ചിത്രത്തിൻ്റെ ഏറ്റവും...

എം.പത്മകുമാറിന്റെ ബോളിവുഡ് ചിത്രം ‘സൂര്യ’ റിലീസ് മാറ്റി

സണ്ണി ഡിയോളിനെ നായകനാക്കി M പത്മകുമാർ സംവിധാനം ചെയ്ത ബോളിവുഡ് ചിത്രം ‘സൂര്യാ- അന്ത് സേ ആരംഭ് തക്’ CBFC സർട്ടിഫിക്കറ്റ് കിട്ടാനുള്ള കാലതാമസത്താൽ...

‘അരികിൽ’ ടൈറ്റിൽ പ്രകാശനം മോഹൻലാൽ നിർവ്വഹിച്ചു

നവാഗതനായ രജീഷ് രാജൻ തിരക്കഥ രചിച്ച് സംവിധാനം ചെയ്യുന്ന അരികിൽ എന്ന ചിത്രത്തിൻ്റെ ടൈറ്റിൽ പ്രകാശനം മോഹൻലാൽ നിർവ്വഹിച്ചു.ലൂസിഫർ , ഗുമസ്തൻ, ആഘോഷം തുടങ്ങിയ...

അറുപത്താറിൽ ആറാം പ്രാക്ക്…. കള്ളപ്രാക്ക്… കന്നി പ്രാക്ക് — ‘മായൻ’ ആദ്യ ലിറിക്കൽ വീഡിയോ എത്തി

അറുപത്താറിൽ ആറാം പ്രാക്ക് ...കള്ള പ്രാക്ക്, കന്നിപ്രാക്ക്...എന്നു തുടങ്ങുന്ന ഗാനത്തോടെ മായൻ ചാപ്റ്റർ 1 എന്ന ചിത്രത്തിന്റെ ലിറിക്കൽ വീഡിയോ എത്തി.ജിതിൻ കെ.ജോസ് സംവിധാനം...