മിൽമ തിരുവനന്തപുരം മേഖലാ സഹകരണ ക്ഷീരോത്പാദക യൂണിയൻ ഭരണ സമിതി പിരിച്ചുവിട്ട സർക്കാർ ഉത്തരവ് ഹൈക്കോടതി ഡിവിഷൻ ബെഞ്ച് റദ്ദാക്കി.തിരുവനന്തപുരം യൂണിയന്റെ പിരിച്ചുവിടൽ നിയമപരമല്ലെന്ന് ചൂണ്ടിക്കാട്ടിയാണ് ഡിവിഷൻ ബെഞ്ചിന്റെ നടപടി.പിരിച്ചുവിട്ട ഡയറക്ടർ ബോർഡിനെ ഉടൻ തന്നെ പുനഃസ്ഥാപിക്കണമെന്ന് കോടതി നിർദേശിച്ചു.ഭരണ സമിതിയെ പിരിച്ചുവിട്ട് അഡ്മിനിസ്ട്രേറ്റീവ് കമ്മിറ്റിയെ നിയമിച്ചുകൊണ്ടുള്ള ക്ഷീരവികസന വകുപ്പ് ഡയറക്ടറുടെ ഉത്തരവാണ് കോടതി അസാധുവാക്കിയത്.ശബരിമല നെയ്യ് വിതരണത്തിലെ ക്രമക്കേട് ഉൾപ്പെടെയുള്ള ആരോപണങ്ങൾ ചൂണ്ടിക്കാട്ടി ജൂലൈ 25നാണ് സർക്കാർ ഭരണ സമിതി പിരിച്ചുവിട്ടത്. ഈ നടപടിയെ ചോദ്യം ചെയ്ത് യൂണിയൻ പ്രസിഡന്റും ഭാരവാഹികളും നൽകിയ ഹർജി തള്ളിയ സിംഗിൾ ബെഞ്ചു വിധി ചോദ്യം ചെയ്തുള്ള അപ്പീൽ അനുവദിച്ചാണ്
ജസ്റ്റിസുമാരായ ഡോക്ടർ എ കെ ജയശങ്കരൻ നമ്പ്യാർ, എ കെ പ്രീത എന്നിവർ ഉൾപ്പെട്ട ഡിവിഷൻ ബെഞ്ചിന്റെ ഉത്തരവ്.അപ്പീൽ വാദികൾക്കു വേണ്ടി സീനിയർ അഡ്വ രഞ്ജിത് തമ്പാൻ, അഡ്വ പി സി ശശിധരൻ എന്നിവർ ഹാജരായി.
മിൽമ തിരുവനന്തപുരം മേഖലാ സഹകരണ ക്ഷീരോത്പാദക യൂണിയൻ പിരിച്ചുവിട്ട സർക്കാർ ഉത്തരവ് ഹൈക്കോടതി റദ്ദാക്കി
