ചിറയിൻകീഴ് ശാർക്കര റെയിൽവേ ഗേറ്റിന് സമീപം ട്രെയിൻ തട്ടി യുവാവ് മരിച്ചു.വെള്ളല്ലൂർ കിളിവീട്ടിൽ ജഗതന്റെ മകനും കഴക്കൂട്ടം കുളത്തൂരിൽ താമസക്കാരനുമായ ജോഷ്മീൻ (36) ആണ് മരണപ്പെട്ടത്. ഏവിയേഷൻ ട്രെയിനറായി ജോലി ചെയ്തു വരികയായിരുന്നു.വ്യാഴാഴ്ച രാത്രി എട്ടുമണിയോടെയാണ് സംഭവം. ശാർക്കര റെയിൽവേ ഗേറ്റിന് സമീപം വാഹനം നിർത്തിയിട്ട ശേഷം ജോഷ്മീൻ റെയിൽവേ ട്രാക്കിലേക്ക് കയറുകയായിരുന്നുവെന്ന് പോലീസ് പറഞ്ഞു. പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം ചിറയിൻകീഴ് താലൂക്ക് ആശുപത്രി മോർച്ചറിയിലേക്ക് .ജീവനൊടുക്കിയതാണെന്നാണ് പ്രാഥമിക നിഗമനം. ഡിപ്രഷനാണ് യുവാവിനെ ജീവനെടുക്കാൻ പ്രേരിപ്പിച്ചതെന്നാണ് സൂചന. സംഭവത്തിന് മണിക്കൂറുകൾക്ക് മുൻപ് ജോഷ്മീൻ സമൂഹമാധ്യമങ്ങളിൽ വീഡിയോ പങ്കുവെച്ചിരുന്നു.