ബിഎല്‍എം സ്ഥാപക ചെയർമാൻ ആർ. പ്രേംകുമാറിനെ സാമ്പത്തിക തട്ടിപ്പ് കേസില്‍ ചോദ്യം ചെയ്യാൻ എൻഫോഴ്സ്മെന്‍റ് ഡയറക്റ്ററേറ്റ് ഉടൻ നോട്ടീസ് നല്‍കും.പ്രേംകുമാർ വിദേശത്താണെന്നാണ് അന്വേഷണ സംഘത്തിന് ലഭിച്ച വിവരം; നോട്ടീസ് കൈപ്പറ്റിയില്ലെങ്കില്‍ ലുക്ക് ഔട്ട് നോട്ടീസ് ഇറക്കാനാണ് ഇഡിയുടെ തീരുമാനം. ചെന്നൈ, എറണാകുളം, കോഴിക്കോട്, തൃശൂർ, തിരുവനന്തപുരം, മൂന്നാർ എന്നിവിടങ്ങളിലെ 12ഓളം ഇടങ്ങളില്‍ നടത്തിയ റെയ്ഡിനു പിന്നാലെ ബിഎല്‍എമ്മിന്‍റെ 103 കോടി രൂപയുടെ ആസ്തികള്‍ ഇഡി മരവിപ്പിച്ചു. നിക്ഷേപത്തുക ചട്ടവിരുദ്ധമായി വകമാറ്റി ഭൂമിയും സ്വത്തുക്കളും വാങ്ങിയതായും 320 ബാങ്ക് അക്കൗണ്ടുകള്‍ ഉപയോഗിച്ചതായും കണ്ടെത്തിയിട്ടുണ്ട്.