പൃഥ്വിരാജിനെ നായകനാക്കി മലയാളത്തിന്റെ സ്വന്തം ബ്ലെസി ഒരുക്കുന്ന ചിത്രം ലോകസിനിമയ്ക്ക് മുന്നില് മലയാള സിനിമയുടെ കാഴ്ച.
ഏപ്രില് പത്തിന് തിയേറ്ററുകളില് എത്തുന്ന ചിത്രത്തിന്റെ ഫസ്റ്റ് ലുക്ക് പുറത്തുവിട്ടിരിക്കുകയാണ് അണിയറപ്രവര്ത്തകര്.
മലയാളത്തില് ഇന്നും ബെസ്റ്റ്സെല്ലറുകളില് ഒന്നായ ബെന്യമിന്റെ ആടുജീവിതം എന്ന നോവലിനെ മുന്നിര്ത്തി ബ്ലെസി സംവിധാനം ചെയ്യുന്ന ചിത്രത്തില് നജീബ് എന്ന നായകകഥാപാത്രമായിട്ടാണ് പൃഥ്വിരാജ് എത്തുന്നത്.
മരുഭൂമിയില് ഒറ്റപ്പെട്ട നജീബ് ആവുന്നതിന് പൃഥ്വിരാജ് നടത്തിയ ശാരീരിക മാറ്റങ്ങള് ഏവരെയും ഞെട്ടിക്കുന്നതായിരുന്നു. 2008 ല് പ്രാരംഭ വര്ക്കുകള് ആരംഭിച്ച ആടുജീവിതം വര്ഷങ്ങളുടെ തയ്യാറെടുപ്പുകള്ക്കൊടുവില് 2018 ലായിരുന്നു ചിത്രീകരണം ആരംഭിച്ചത്. ഏറ്റവുമധികം നാളുകള് നീണ്ടുപോയ ചിത്രത്തിന്റെ ഷൂട്ടിംഗ് കഴിഞ്ഞ വര്ഷം ജൂലൈ 14നാണ് പൂര്ത്തിയായത്.
പൃഥ്വിരാജിന്റെ കരിയറിലെ തന്നെ ഏറ്റവും വലിയ സിനിമയാണ് ആടുജീവിതം. നേരത്തെ ചിത്രത്തിന്റെ ട്രെയിലര് എന്ന പേരില് 3 മിനിറ്റ് ദൈര്ഘ്യമുള്ള ഒരു വീഡിയോ കഴിഞ്ഞ വര്ഷം സമൂഹ മാധ്യമങ്ങളില് പ്രചരിച്ചിരുന്നു. മലയാള സിനിമ ഇന്നേവരെ കാണാത്ത ദൃശ്യവിസ്മയമാണ് പ്രേക്ഷകരെ കാത്തിരിക്കുന്നത് എന്ന് തെളിയിക്കുന്ന ആ വീഡിയോ ട്രെയ്ലര് അല്ലെന്നും വേള്ഡ്വൈഡ് റിലീസിന് മുന്നോടിയായി ഇന്റലര്നാഷണല് ഏജന്റുമാര്ക്ക് അയച്ചുകൊടുത്ത ദൃശ്യങ്ങള് ചോര്ന്നതാണെന്നും സംവിധായകന് ബ്ലെസി പിന്നീട് അറിയിച്ചിരുന്നു
തെലുങ്ക് സൂപ്പര്താരം പ്രഭാസിന്റെ സോഷ്യല് മീഡീയ പേജിലൂടെയാണ് പോസ്റ്റര് പങ്കുവെച്ചിരിക്കുന്നത്.