മീന്‍ചെതുമ്പല്‍പോലെ കാലുകളിലും കൈയിലും മൊരി വരാറുണ്ട് അല്ലേ ?
ചിലര്‍ക്ക് ജന്മനാതന്നെ മൊരി വരാം.
അങ്ങനെയുള്ളവര്‍ വിദഗ്ദ്ധരായ സ്കിന്‍ സ്പെഷലിസ്റ്റിന്‍റെ സഹായത്തോടെ ചികിത്സ നടത്തണം.
എന്നാല്‍ കാലാവസ്ഥ മാറുന്നതിനനുസരിച്ചു മൊരി വന്നാല്‍ സാരമില്ല.
അതു വീട്ടിലെ പൊടിക്കൈകള്‍ ഉപയോഗിച്ചു മാറ്റാവുന്നതാണ്.
എല്ലാ ദിവസവും ശരീരത്തില്‍ എണ്ണ തേക്കണം.
പ്രത്യേകിച്ചു മൊരിയുള്ള ഭാഗങ്ങളില്‍ ക്രീമുകളും പുരട്ടാം.
എണ്ണ തേച്ചുകുളിക്കുമ്പോള്‍ തിളക്കവും തൊലിക്കു മൃദുത്വവും കിട്ടും.
എണ്ണ ഉപയോഗിക്കാന്‍ പാടില്ലാത്തപക്ഷം കൃത്യമായി മോയിസ്ചുറൈസര്‍ പുരട്ടണം.
ശരീരത്തിന്‍റെ ആരോഗ്യത്തിന് പലവിധത്തിലുള്ള വിറ്റാമിനുകള്‍ ആവശ്യമാണ്.
ശരീരത്തിൻ്റെ പുഷ്ടിക്കുവേണ്ടിയുള്ള പഴങ്ങളും പച്ചക്കറികളുമൊക്കെ കഴിച്ചാല്‍ മാത്രം മതി ചര്‍മ്മത്തിനു വേണ്ട സൗന്ദര്യം കിട്ടിക്കൊള്ളും.
ചര്‍മ്മത്തിന് എന്തെങ്കിലും പ്രശ്നങ്ങളുണ്ടെങ്കില്‍ വിറ്റാമിന്‍ എ, വിറ്റാമിന്‍ സി, ബീറ്റാകരോട്ടിന്‍ എന്നിവ കഴിക്കുന്നതും ചര്‍മ്മത്തിൻ്റെ ആരോഗ്യത്തെ വര്‍ദ്ധിപ്പിക്കും.