അക്ഷരനഗരിയിൽ കരുത്തറിയിച്ച് തോമസ് ചാഴികാടൻ

കോട്ടയം: അക്ഷരനഗരിയിൽ കരുത്തറിയിച്ച് എൽഡിഎഫ് സ്ഥാനാർത്ഥി തോമസ് ചാഴികാടൻ നാമനിർദ്ദേശപത്രിക സമർപ്പിച്ചു. ഇടതുമുന്നണിയുടെ ശക്തിവിളച്ചറിയിച്ച് ആയിരക്കണക്കിന് പ്രവർത്തകരുടെ അകമ്പടിയോടെയാണ് തോമസ് ചാഴികാടൻ പത്രികാസമർപ്പണത്തിനായി കലക്ടറേറ്റിലെത്തിയത്.
മൂന്ന് സെറ്റ് പത്രികകളാണ് തോമസ് ചാഴികാടൻ വരണാധികാരിയായ ജില്ലാകലക്ടർ മുൻപാകെ സമർപ്പിച്ചത്. സിപിഎം സംസ്ഥാന സെക്രട്ടറിയേറ്റംഗമായ മന്ത്രി വി.എൻ വാസവൻ, കേരളാ കോൺഗ്രസ്-എം ചെയർമാൻ ജോസ് കെ. മാണി എംപി, സിപിഐ ജില്ലാ സെക്രട്ടറി അഡ്വ. വി.ബി ബിനു എന്നിവരാണ് പത്രികളിൽ സ്ഥാനാർത്ഥിയെ പിന്തുണച്ചിരിക്കുന്നത്.
രാവിലെ മാതൃഇടവകയായ അരീക്കര സെന്റ് റോക്കീസ് പള്ളിയിൽ ഭാര്യ ആനി തോമസിനൊപ്പമെത്തി വിശുദ്ധ കുർബാനയിൽ പങ്കെടുത്ത് മാതാപിതാക്കളുടേയും സഹോദരൻ ബാബു ചാഴികാടന്റേയും കബറിടങ്ങളിലെത്തി പ്രാർത്ഥിച്ചാണ് പത്രികസമർപ്പണദിനത്തിലെ പര്യടനം ആരംഭിച്ചത്.
പാലാ കരിങ്ങോഴയ്ക്കൽ വീട്ടിലെത്തി കെ.എം മാണിയുടെ ഭാര്യ കുട്ടിയമ്മയുടെ അനുഗ്രഹം വാങ്ങിയായിരുന്നു തുടർന്നുള്ള പര്യടനം. ഭരണങ്ങാനം വിശുദ്ധ അൽഫോൻസാ തീർത്ഥാടന കേന്ദ്രത്തിൽ കേരളാ കോൺഗ്രസ്-എം ചെയർമാൻ ജോസ് കെ.മാണിക്കൊപ്പമെത്തിയ തോമസ് ചാഴികാടനെ റെക്ടർ റവ.ഡോ. അഗസ്റ്റിൻ പാലയ്ക്കപറമ്പിൽ സ്വീകരിച്ചു. കബറിടത്തിൽ നാമനിർദ്ദേശപത്രിക സമർപ്പിച്ച് പ്രാർത്ഥിച്ച സ്ഥാനാർത്ഥിയെ റെക്ടർ അനുഗ്രഹിച്ചു. തുടർന്ന് മാന്നാനം തീർത്ഥാടന ദേവാലയത്തിലെത്തി വിശുദ്ധ ചാവറയച്ചന്റെ കബറിടത്തിങ്കലും വണങ്ങി പ്രാർത്ഥിച്ചു.
സ്ഥാനാർത്ഥി കേരളാ കോൺഗ്രസ്-എം ഓഫീസിലെത്തുമ്പോൾ ഓഫീസ് പരിരസവും റോഡും പാർട്ടിപ്രവർത്തകരാൽ നിറഞ്ഞിരുന്നു. തുടർന്ന് കെ.എം മാണിയുടെ ചിത്രത്തിൽ പുഷ്പാർച്ചന നടത്തിയ സ്ഥാനാർത്ഥി റോഡ്‌ഷോയായി കലക്ടറേറ്റിലേക്ക് നീങ്ങി. തിരുനക്കര ക്ഷേത്രപരിസരത്ത് സ്ഥാനാർത്ഥി എത്തിയതോടെ ഇടതുമുന്നണി ഘടകകക്ഷി നേതാക്കളും പ്രവർത്തകരും റോഡ്‌ഷോയുടെ ഭാഗമായി.
തോമസ് ചാഴികാടനെ വിജയിപ്പിക്കുകയെന്ന ആഹ്വാനമെഴുതിയ ടീ ഷർട്ട് ധരിച്ചാണ് പല പ്രവർത്തകരും റോഡ് ഷോയിൽ പങ്കെടുത്തത്. ചുവപ്പ് ബലൂണുകളും പ്ലക്കാർഡുകളും കൊടികളും റോഡ് ഷോയുടെ ആവേശം ഇരട്ടിപ്പിച്ചു. എന്നും ചിഹ്നം രണ്ടില മാത്രം എന്നെഴുതിയ പ്ലക്കാർഡുകൾ പ്രവർത്തകർ ഉയർത്തിപ്പിടിച്ചത് തോമസ് ചാഴികാടന്റെ രാഷ്ട്രീയ പ്രവർത്തനത്തിന്റെ ശ്രേഷ്ഠത വെളിവാക്കി.
ഇടതുമുന്നണി ഘടകകക്ഷി നേതാക്കൾ റോഡ് ഷോയ്ക്ക് നേതൃത്വം നൽകി.

Leave a Reply

spot_img

Related articles

ശലഭം പൂജയും സ്വിച്ച് ഓണും നടന്നു

ഷൂട്ടിംഗ് തീരും വരെ ലഹരിയും മദ്യപാനവും ഉപയോഗിക്കില്ലെന്നു പ്രതിജ്ഞ ചെയ്തുകൊണ്ട് സിനിമ പ്രവർത്തകർക്ക് മാതൃകയായി ശലഭം എന്ന സിനിമ യുടെ പൂജയും സ്വിച്ച്...

‘മുനമ്പത്തെ ജനങ്ങളെ വഴിയിൽ തള്ളണമെന്നല്ല, സർക്കാർ സംരക്ഷിക്കും’: വഖഫ് മന്ത്രി വി. അബ്ദുറഹ്മാൻ

വഖഫ് ബില്ല് പറഞ്ഞു ബിജെപി മുനമ്പത്ത് വർഗീയ മുതലെടുപ്പ് നടത്തുകയാണെന്ന് സംസ്ഥാന വഖഫ് വകുപ്പ് മന്ത്രി വി. അബ്ദുറഹ്മാൻ. ഹൈക്കോടതിയുടെ പരിധിയിലുള്ള കേസിൽ മുസ്‌ലിം...

വഖഫ് നിയമഭേദഗതി ബില്ലിനെ നിയമപരമായി നേരിടും; കൂടുതൽ പ്രതിപക്ഷ പാർട്ടികൾ സുപ്രിം കോടതിയിലേക്ക്

പാർലമെന്റിൽ പാസാക്കിയ വഖഫ് നിയമഭേദഗതി ബില്ലിനെ നിയമപരമായി നേരിടാൻ ഒരുങ്ങി പ്രതിപക്ഷം. കോൺഗ്രസും എ.ഐ.എം.ഐ.എമ്മും ബില്ലിനെതിരെ സുപ്രീംകോടതിയെ സമീപിച്ചതിന് പിന്നാലെ കൂടുതൽ പ്രതിപക്ഷ പാർട്ടികളും...

സംസ്ഥാനത്ത് പരക്കെ മഴയ്ക്ക് സാധ്യത; നാല് ജില്ലകളിൽ യെല്ലോ അലേർട്ട്

സംസ്ഥാനത്ത് പരക്കെ മഴ സാധ്യത. നാല് ജില്ലകളിൽ ഇന്ന് യെല്ലോ അലേർട്ട് ആണ്. ഇടുക്കി, പാലക്കാട്, മലപ്പുറം, വയനാട് ജില്ലകളിലാണ് യെല്ലോ അലേർട്ട്....