ശീതള പാനീയങ്ങള് ഇന്ന് ഏറ്റവും കൂടുതലായി ഉപയോഗിക്കുന്നവരാണ് നമ്മളെല്ലാവരും.
എന്നാൽ, ഇതിന്റെ ദോഷ വശങ്ങളെപ്പറ്റി ആരും തന്നെ ചിന്തിക്കാറുമില്ല.
എന്നാൽ, ഈ കത്തിക്കരിയുന്ന വേനൽക്കാലത്ത് ഇതിനെപ്പറ്റിയൊക്കെ കുറച്ച് ശ്രദ്ധ ഉള്ളത് നല്ലതാണ്.
അന്തരീക്ഷ താപനില ഓരോ ദിവസവും വര്ധിച്ചു വരികയാണ്.
അതുകൊണ്ട് തന്നെ ജലലഭ്യത കുറവായ ഈ ഉഷ്ണകാലത്ത് ജലജന്യ രോഗങ്ങൾ പടരുവാന് സാധ്യതയുണ്ട്.
പ്രചരണ റാലികൾക്കും ജാഥകൾക്കും സ്വീകരണങ്ങള്ക്കും മറ്റും ശീതള പാനീയങ്ങള് ഉപയോഗിക്കുന്നവർ തിളപ്പിച്ചാറിയ വെള്ളം മാത്രം കുടിക്കുന്നതിനും മറ്റും ശ്രദ്ധിക്കണം.
രാവിലെ 11 മണി മുതൽ വൈകുന്നേരം മൂന്നു മണി വരെയുള്ള സമയങ്ങളിൽ നേരിട്ട് സൂര്യപ്രകാശം ഏൽക്കാതിരിക്കുവാനും ശ്രദ്ധിക്കണം.
പൊതുജനങ്ങൾ ശ്രദ്ധിക്കേണ്ട കാര്യങ്ങൾ താഴെ പറയുന്നു
തിളപ്പിച്ചാറിയ വെള്ളം മാത്രം കുടിക്കാൻ ഉപയോഗിക്കുക
നിർജലീകരണം, സൂര്യാഘാതം എന്നിവ തടയുന്നതിനായി ധാരാളം ശുദ്ധജലം കുടിക്കുക.
ധാരാളം വിയർക്കുന്നവർ ഉപ്പിട്ട കഞ്ഞിവെള്ളം, മോര്, നാരങ്ങാവെള്ളം എന്നിവ ധാരാളമായി കുടിക്കുക.
രാവിലെ 11 മണി മുതൽ വൈകുന്നേരം മൂന്നു മണി വരെ നേരിട്ടുള്ള വെയിൽ കൊള്ളുന്നത് ഒഴിവാക്കുക.
വെയിലത്ത് പാർക്ക് ചെയ്യുന്ന കാറിലും മറ്റും കുട്ടികളെ ഇരുത്തിയിട്ട് പോകാതിരിക്കുക.
വെള്ളം ധാരാളം അടങ്ങിയിട്ടുള്ള തണ്ണിമത്തൻ, ഓറഞ്ച് മുതലായ പഴങ്ങളും പച്ചക്കറിക്കറികളും ഉപയോഗിക്കുക.
ശരീരം മുഴുവൻ മൂടുന്ന അയഞ്ഞ പരുത്തി വസ്ത്രങ്ങൾ ധരിക്കുക.
കുട , തൊപ്പി എന്നിവ ഉപയോഗിക്കുക.