കരുവന്നൂര് കള്ളപ്പണ കേസില് സിപിഐഎം തൃശൂര് ജില്ലാ സെക്രട്ടറി എം എം വര്ഗീസ് ഇന്ന് എന്ഫോഴ്സ്!മെന്റ് ഡയറക്ടറേറ്റിന് മുന്നില് ഹാജരാകും.
സിപിഐഎമ്മിന്റെ ബാങ്ക് അക്കൗണ്ട് വിവരങ്ങളും സ്വത്ത് വിവരങ്ങളും ഹാജരാക്കാന് ആണ് നിര്ദേശം.
രാവിലെ 10 മണിക്ക് ഇഡിയുടെ കൊച്ചി ഓഫിസില് ഹാജരാകാനാണ് നിര്ദേശം നല്കിയിരിക്കുന്നത്.
കരുവന്നൂര് കള്ളപ്പണ കേസില് അന്വേഷണം വീണ്ടും ഊര്ജിതമാക്കിയ എന്ഫോഴ്സ്മെന്റ് ഡയറക്ടറേറ്റ് സിപിഐഎമ്മിന് രഹസ്യ അക്കൗണ്ടുകള് ഉണ്ടെന്നാണ് പറയുന്നത്.
കരുവന്നൂര് ബാങ്കിന് പുറമെ തൃശൂര് ജില്ലയിലെ മറ്റ് സഹകരണ ബാങ്കുകളിലും സിപിഐഎമ്മിന് അക്കൗണ്ടുകള് ഉണ്ടെന്നാണ് കണ്ടെത്തല്.
ജില്ലയില് പാര്ട്ടിയുടെ വിവിധ കമ്മിറ്റികളുടെ ബാങ്ക് അക്കൗണ്ട് വിവരങ്ങള് ഹാജരാക്കാന് ആണ് സിപിഐഎം തൃശൂര് ജില്ലാ സെക്രട്ടറി എം എം വര്ഗീസിനോട് നിര്ദേശിച്ചിരിക്കുന്നത്.
കരുവന്നൂര് സഹകരണ ബാങ്കില് നിന്ന് ബിനാമി വായ്പകള് വഴി തട്ടിയെടുത്ത പണത്തിന്റെ പങ്ക് ഈ അക്കൗണ്ടുകളിലേക്ക് എത്തിയിട്ടുണ്ടോ എന്നാണ് ഇഡി പരിശോധിക്കുന്നത്.
മുന്പും പല തവണ വര്ഗീസിനെ ഇഡി ചോദ്യം ചെയ്തിരുന്നു. മുന് എംപി പി കെ ബിജുവിനെയും ഇഡി അടുത്തിടെ ചോദ്യം ചെയ്തിരുന്നു.