മഴക്കാലമായാൽ വെള്ളക്കെട്ടുകൾ സാധാരണയാണ് അല്ലേ?. ഈ സാഹചര്യത്തിൽ നിരവധി പേർക്ക് രോഗം കൂടാനുള്ള സധ്യതയും ഏറെയാണ്.
വെള്ളക്കെട്ടുകളിൽ നിന്നാണ് എലിപ്പനി പടരുന്നത്. എലിമൂത്രത്തിലൂടെ പകരുന്ന രോഗമാണ് എലിപ്പനി.
ലെപ്ടോസ്പൈറ ജനുസിൽപ്പെട്ട ഒരിനം സ്പൈറോകീറ്റ മനുഷ്യരിൽ ഉണ്ടാക്കുന്ന ജന്തുജന്യരോഗമാണ് എലിപ്പനി.
അതേപോലെ, വൃത്തിഹീനമായ ചുറ്റുപാടുകളിൽ നിന്നും ലഭിക്കുന്ന വെള്ളം, ആഹാരം എന്നിവയിലൂടെയാണ് കോളറ വരുന്നത്.
അതേപോലെ വെള്ളത്തിലൂടെ പകരുന്ന രോഗമാണ് മഞ്ഞപ്പിത്തം. രോഗിയുമായി നേരിട്ടുള്ള ബന്ധത്തിലൂടെയും മഞ്ഞപ്പിത്തം പകരും.
മഴക്കാലത്ത് രോഗങ്ങൾ പിടിപെടാതിരിക്കാൻ ശ്രദ്ധിക്കേണ്ടത്?
വീടിന് ചുറ്റും വെള്ളം കെട്ടിനിൽക്കാതെ നോക്കുക.
ഭക്ഷണം ചൂടോടെ തന്നെ കഴിക്കുക.
ഭക്ഷണങ്ങൾ തുറന്ന് വയ്ക്കരുത്.
തിളപ്പിച്ചാറിയ വെള്ളം മാത്രം കുടിക്കാൻ ശ്രമിക്കുക.
വെള്ളക്കെട്ടിലൂടെ നടക്കുന്നത് ഒഴിവാക്കുക
കൊതുക് വളരാനുള്ള സാഹചര്യം ഒഴിവാക്കുക