ഭൂമിയുമായി ബന്ധപ്പെട്ട അഴിമതിക്കേസില്‍ ഇ.ഡി. അറസ്റ്റ് ചെയ്ത ജാര്‍ഖണ്ഡ് മുന്‍ മുഖ്യമന്ത്രി ഹേമന്ദ് സോറന് ജാമ്യം.
ജാര്‍ഖണ്ഡ് ഹൈക്കോടതിയാണ് ജാമ്യം നല്‍കിയത്. നേരത്തേ ഭൂമിവിവാദത്തില്‍ ജനുവരി 31 നായിരുന്നു ഇ.ഡി. അറസ്റ്റ് ചെയ്തത്.
ജാര്‍ഖണ്ഡ് മുക്തി മോര്‍ച്ച നേതാവ് സാങ്കല്‍പ്പിക ഇടപാടുകളിലൂടെയും വ്യാജ രേഖകളിലൂടെയും കോടികള്‍ വിലമതിക്കുന്ന ഭൂമി വന്‍തോതില്‍ കൈക്കലാക്കാന്‍ രേഖകള്‍ കൃത്രിമമായി ഉണ്ടാക്കിയെന്ന് ആരോപിച്ചാണ് സോറനെ എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തത്.
അറസ്റ്റിലാകുന്നതിന് തൊട്ടുമുമ്ബ് ഹേമന്ദ് സോറന് രാജി വെച്ചിരുന്നു. നീണ്ട ചോദ്യം ചെയ്യലിന് ശേഷം അറസ്റ്റ് ചെയ്യുമെന്ന് അറിയിച്ചിരുന്നു. ഇതിന് പിന്നാലെയാണ് തന്റ സ്ഥാനം രാജിവയ്ക്കാന്‍ തീരുമാനിച്ചത്. അനധികൃതമായി എട്ട് ഏക്കര്‍ ഭൂമി സ്വന്തമാക്കിയെന്നാണ് കേസ്.