ഷിരൂരില് മണ്ണിടിച്ചിലില് കാണാതായ അർജുനെ കണ്ടെത്താനുള്ള തിരച്ചില് പത്താം ദിവസത്തിലേക്ക്.
ഇന്നലത്തെ തെരച്ചിലില് ലോറി കണ്ടെത്തിയതിനാല് ഇന്ന് നിർണായക ദിവസമാണ്.
ലോറിയുടെ കൃത്യസ്ഥലം കണ്ടെത്തി ഡൈവർമാർ കാബിനില് എത്തിയാകും അർജുനുണ്ടോ എന്ന് സ്ഥിരീകരിക്കുക.
അതിനായി മുങ്ങല് വിദഗ്ധര് പരിശോധന നടത്തും. അതിനുശേഷമായിരിക്കും ട്രക്ക് പുറത്തെടുക്കുക.
കുത്തൊഴുക്കുള്ള പുഴയില് ലോറി ഉറപ്പിച്ചുനിര്ത്തും തുടര്ന്ന് ലോറി ലോക്ക് ചെയ്ത ശേഷം ക്രെയിന് ഉപയോഗിച്ച് ഉയര്ത്തും. ഇതിനായി സൈന്യം വിവിധ ഉപകരണങ്ങള് രാത്രിയോടെ സ്ഥലത്തെത്തിച്ചു.
നിലവില് ശക്തമായ മഴ പെയ്യുന്നത് രക്ഷാപ്രവർത്തനത്തിന് ദോഷം ചെയ്യുമെന്നാണ് പ്രതീക്ഷിക്കുന്നത്. ഷിരൂരില് ഓറഞ്ച് അലർട്ടാണ് പ്രഖ്യാപിച്ചിരിക്കുന്നത്.