ബിജെപി സംസ്ഥാന പ്രസിഡന്റ് കെ സുരേന്ദ്രന് പ്രതിയായ മഞ്ചേശ്വരം തെരഞ്ഞെടുപ്പ് കോഴക്കേസിലെ വിടുതല് ഹര്ജിയില് വിധി ഇന്ന്.കാസര്കോട് ജില്ലാ സെഷന്സ് കോടതിയാണ് വിധി പറയുക.
കേസ് രാഷ്ട്രീയലക്ഷ്യം വെച്ച് കെട്ടിച്ചമച്ചതാണ് എന്ന് ആരോപിച്ച് സുരേന്ദ്രനും മറ്റു അഞ്ച് പ്രതികളും 2023 സെപ്റ്റംബറില് സമര്പ്പിച്ച വിടുതല് ഹര്ജിയില് കഴിഞ്ഞ ദിവസം വിധി പറയാന് വെച്ചിരുന്നെങ്കിലും ഹര്ജിക്കാര് നേരിട്ട് ഹാജരാകണമെന്ന് കോടതി നിര്ദ്ദേശിക്കുകയായിരുന്നു.
2021ലെ നിയമസഭാ തെരഞ്ഞെടുപ്പില് മഞ്ചേശ്വരത്തെ ബിഎസ്പി സ്ഥാനാര്ത്ഥിയായിരുന്ന സുന്ദരയ്ക്ക് സ്ഥാനാര്തിത്വം പിന്വലിക്കാന് രണ്ടര ലക്ഷം രൂപയും സ്മാര്ട്ട് ഫോണും നല്കിയെന്നും ഭീഷണിപ്പെടുത്തിയെന്നുമാണ് കേസ്.