ദമ്പതികളെ ബോധം കെടുത്തി ട്രെയിനില്‍ വെച്ച്‌ സ്വർണവും പണവും കവർന്നതായി പരാതി. ഹുസൂർ സ്വദേശികളായ രാജുവിന്റെയും ഭാര്യ മറിയാമ്മയ്യും കവർച്ച ചെയ്യപ്പെട്ടത്.
12 പവനോളം സ്വർണവും 10000 രൂപയുമാണ് മോഷ്ടിക്കപ്പെട്ടത്. എട്ടര മണിക്കാണ് ഇവർ കായംകുളത്ത് നിന്ന് ട്രെയിനില്‍ കയറിയത്. രാത്രി ഇരുവരും ഫ്‌ളാസ്‌കില്‍ കരുതിയിരുന്ന വെള്ളവും കുടിച്ചിരുന്നു തുടർന്ന് ഇവർ ബോധരഹിതരാവുകയായിരുന്നു.
ഈ സമയം കൂടെ യാത്ര ചെയ്തിരുന്ന ആള്‍ സ്വർണവും പണവുമായി കടന്നുകളഞ്ഞുവെന്നാണ് നിഗമനം.രാത്രി ഒമ്ബതോടെ ഇരുവരും ഭക്ഷണം കഴിച്ച്‌ ഉറങ്ങാന്‍ കിടന്നു. രാത്രി 11ഓടെ മറിയാമ്മ ചുമച്ചതിനെ തുടർന്ന് ഇരുവരും എണീറ്റു. ശേഷം കൈയില്‍ കരുതിയ ഫ്ലാസ്കിലെ വെള്ളം മറിയാമ്മയും രാജുവും കുടിച്ചു. പിന്നാലെ ഇരുവരും ബോധരഹിതരാവകയായിരുന്നു.
നേരത്തെ, യാത്ര ആരംഭിക്കുന്ന സമയത് ട്രെയിനില്‍ വെച്ച്‌ ബിസിനസുകാരനാണെന്ന് പറഞ്ഞ് ഒരാള്‍ ഇരുവരെയും പരിചയപ്പെട്ടിരുന്നു. ചുരുങ്ങിയ സമയത്തിനുള്ളില്‍ ഇയാള്‍ ഇവരുമായി സൗഹൃദം സ്ഥാപിക്കുകയും ചെയ്തു. ഇയാളാണ് വെള്ളത്തില്‍ മയങ്ങുന്നതിനായുള്ള എന്തോ കലർത്തിയതെന്നാണ് സംശയിക്കുന്നത്. ഇരുവരെയും പിന്നീട് ബോധരഹിതരായി ട്രെയിനില്‍ കണ്ടെത്തുകയായിരുന്നു