വിവാദ പത്ര പരസ്യത്തിൽ പ്രതികരിച്ച് സിപിഐഎം. പരസ്യ വിഷയത്തിൽ മന്ത്രി എംബി രാജേഷ്,സിപിഐഎം ജില്ലാ സെക്രട്ടറി ഇഎൻ സുരേഷ് ബാബു എന്നിവരാണ് പ്രതികരണവുമായെത്തിയത്. ഷാഫി പറമ്പിൽ പച്ചക്കള്ളം പ്രചരിപ്പിക്കാൻ ശ്രമിക്കുന്നുവെന്ന് എംബി രാജേഷ് കുറ്റപ്പെടുത്തി. നാല് പത്രങ്ങൾക്ക് പരസ്യം നൽകി. മാതൃഭൂമിയിലും ഹിന്ദുവിലും പരസ്യം നൽകി. രണ്ട് പത്രങ്ങളിൽ മാത്രം പരസ്യം നൽകിയതെന്ന് ഷാഫി പറയുന്നത് പച്ചക്കള്ളമെന്ന് എം ബി രാജേഷ് പറയുന്നു.വടകരയിൽ ചക്കവീണ് മുയൽ ചത്തു എന്ന് കരുതി പാലക്കാട് വന്ന് ചക്ക ഇടാൻ ശ്രമിക്കരുതെന്ന് മന്ത്രി എംബി രാജേഷ് പറഞ്ഞു. സന്ദീപ് ആർഎസ്എസിന് ഭൂമി നൽകുമെന്നു പറഞ്ഞു. ഈ സന്ദീപ് വാര്യരെ ആണ് കോൺഗ്രസ് നേതാക്കൾ ആനയിച്ച് കൊണ്ടുവന്നത്. ഇതാണ് നേരത്തെ പറഞ്ഞത് സന്ദീപ് ആർഎസ്എസ് വീട്ടിട്ടില്ലെന്ന് എംബി രാജേഷ് പറഞ്ഞു.