എം ആര് അജിത് കുമാറിന് ക്ലിന് ചിറ്റ് നല്കിയ വിജിലന്സ് റിപ്പോര്ട്ട് മടക്കി ഡയറക്ടര്. കൂടുതല് കാര്യങ്ങളില് വ്യക്തത വേണമെന്ന് വിജിലന്സ് ഡയറക്ടര് യോഗേഷ് ഗുപ്ത അന്വേഷണ സംഘത്തോട് ആവശ്യപ്പെട്ടു. തിരുവനന്തപുരം സ്പെഷ്യല് ഇന്വസ്റ്റിഗേഷന് യൂണിറ്റ് എസ്പിയാണ് അന്വേഷണം നടത്തിയത്. വ്യക്തത ആവശ്യമായ കാര്യങ്ങള് ചൂണ്ടികാട്ടി റിപ്പോര്ട്ട് അന്വേഷണ ഉദ്യോഗസ്ഥന് ഡയറക്ടര് മടക്കി അയച്ചു. കൂടുതല് അന്വേഷണം നടത്തി ഫയലുമായി നേരിട്ട് ചര്ച്ചക്ക് വരാനും നിര്ദ്ദേശം നല്കി.