മഞ്ചേരി: സ്വന്തമായി പാവകൾ നിർമിച്ചും കടലാസു കൊണ്ട് കളിപ്പാട്ടങ്ങളുണ്ടാക്കായും കൂട്ടു ചേർന്ന് കഥകൾ പറഞ്ഞും ചങ്ങാതിക്കൂട്ടം വിസ്മയമായി. കടമ്പോട് പന്തലൂർ ജി.എം.എൽ.പി സ്കൂളിൽ നടന്ന ചങ്ങാതിക്കൂട്ടം സഹവാസ ക്യാമ്പാണ് കുട്ടികൾക്ക് വിസ്മയാനുഭവമായത്. കഥയെഴുത്ത് ശിൽപ്പശാല, പാവനിർമാണം, പേപ്പർ ക്രാഫ്റ്റ്, നാടൻ കളികൾ തുടങ്ങിയ വിഷയങ്ങളിൽ ക്യാമ്പിൽ പരിശീലനം നൽകി. ക്യാമ്പ് ബ്ലോക്ക് പഞ്ചായത്തംഗം മുഹ്സിനത്ത് അബ്ബാസ് ഉദ്ഘാടനം ചെയ്തു. എഴുത്തുകാരനും ചലച്ചി പ്രവർത്തകനുമായ എം. കുഞ്ഞാപ്പ, പാവനാടക കലാകാരൻ വി. ഇന്ദ്രദേവ്, ഇഖ്ബാൽ പെരിമ്പലം, ടി. രശ്മി എന്നിവരായിരുന്നു പരിശീലകർ. പ്രധാനാധ്യാപിക കെ.പി. മീര അധ്യക്ഷത വഹിച്ചു. ഇ. ലല്ലി, എൻ. റസിയ, പി. ഹിഷാമുദ്ദീൻ തുടങ്ങിയവർ സംസാരിച്ചു. കുട്ടികൾ നിർമിച്ച നൂറോളം പാവകളും കൗതുകവസ്തുക്കളും പ്രദർശിപ്പിച്ചു.