പൈനാവ് മോഡൽ പോളിടെക്നിക് കോളേജിലെ Industry On Campus (IOC), ബഹുമാനപ്പെട്ട ജലവിഭവ വകുപ്പ് മന്ത്രി ശ്രീ റോഷി അഗസ്റ്റിൻ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡൻറ് ശ്രീ. രാരിച്ചൻ നീറനാംകുന്നേൽ അധ്യക്ഷത വഹിച്ചു. കോളേജിലെ ട്രെയിനിങ് ആൻഡ് പ്ലേസ്മെന്റ് സെല്ലിന്റെയും ടെക്നോളജി ക്ലബ്ബിന്റെയും നേതൃത്വത്തിലാണ് Industry On Campus പ്രവർത്തിക്കുന്നത്. ഇടുക്കി ജില്ലയിലെ ഡിജിറ്റൽ ഇലക്ട്രിക്കൽ ആൻഡ് ഇലക്ട്രോണിക്സ് എന്ന കമ്പനിയുമായി സഹകരിച്ചാണ് ഈ സംരംഭം തുടങ്ങിയിരിക്കുന്നത്. ഇടുക്കി ജില്ലയിലെ ഗ്രാമപഞ്ചായത്തുകളിലെ ഓട്ടോമാറ്റിക് സ്ട്രീറ്റ് ലൈറ്റ് കൺട്രോളർ ബോർഡുകൾ ആണ് ഇവിടെ ഉത്പാദിപ്പിക്കുന്നത്. ദിനംപ്രതി നൂറോളം ബോർഡുകൾ ഉൽപ്പാദിപ്പിക്കൻ സാധിക്കും.ബഹുമാനപ്പെട്ട മന്ത്രിയുടെ ഫണ്ടിൽ നിന്ന് ആറുലക്ഷത്തോളം രൂപ ചെലവഴിച്ച് നിർമ്മിച്ച കോളേജിലെ കുടിവെള്ള സ്രോതസിന്റെ മേൽക്കൂരയുടെ ഉദ്ഘാടനവും ഈ മീറ്റിങ്ങിൽ വച്ച് നടത്തപ്പെടുകയും ചെയ്തു.