രാജ്യത്തെ കോർപ്പറേറ്റ് നേതാക്കൾ രാജ്യത്തെ തൊഴിൽ സമയം കൂട്ടണമെന്ന നിലപാട് ഉയർത്തിക്കാട്ടുമ്പോൾ അവരെയാകെ നിരാശരാക്കുന്നതായിരുന്നു ഇന്നത്തെ സാമ്പത്തിക സർവേ. അമിതമായ ജോലി സമയം മാനസികാരോഗ്യത്തെ ഗുരുതരമായി ബാധിക്കുമെന്ന് സാമ്പത്തിക സർവേ 2024-25 ശക്തമായ മുന്നറിയിപ്പ് നൽകുന്നു. സാപിയൻ ലാബ്സ് സെൻ്റർ ഫോർ ഹ്യൂമൻ ബ്രെയിൻ ആൻഡ് മൈൻഡ് നടത്തിയ പഠനം ഉദ്ധരിച്ച് ദിവസം 12 മണിക്കൂർ മേശപ്പുറത്ത് ഇരിക്കുന്നവരുടെ മാനസിക സമ്മർദ്ദം കൂടുമെന്നാണ് സർവേ പറയുന്നത്.