കോട്ടയംകാരുടെ ശ്രദ്ധയ്ക്ക്.. പുറത്തിറങ്ങുമ്പോൾ കൈയ്യിൽ കുട കരുതാൻ മറക്കേണ്ട

വേനൽ വെയിലിൽ കോട്ടയം ജില്ല ചുട്ടുപൊള്ളുന്നു. കാലാവസ്ഥാ വകുപ്പിൻ്റെ ഔദ്യോഗിക കണക്ക് പ്രകാരം ഇന്നലെ സംസ്ഥാനത്ത് ഏറ്റവും ഉയർന്ന താപനില കോട്ടയത്ത് ( 38.2°c) രേഖപ്പെടുത്തി.

മറ്റു കേന്ദ്രങ്ങളിലെ താപനില

കണ്ണൂർ വിമാനത്താവളം:37.6°C
നെടുമ്പാശ്ശേരി വിമാനത്താവളം : 37.4
തൃശൂർ : 37.0
പുനലൂർ : 36.5
കോഴിക്കോട് : 36.2 പാലക്കാട്‌ : 35.4
തിരുവനന്തപുരം വിമാനത്താവളം: 33.1

സംസ്ഥാനത്തു അൾട്രാവയലറ്റ് സൂചികയും (UV index) ഉയർന്ന തോതിൽ രേഖപ്പെടുത്തിയത് ആശങ്കക്കു കാരണമായി.സൂര്യനിൽ നിന്നും ഭൗമതലത്തിൽ പതിക്കുന്ന അൾട്രാവൈലറ്റ് റേഡിയേഷൻ്റെ രാജ്യാന്തര സൂചികയാണ് അൾട്രാവൈലറ്റ് ഇൻഡക്സ്.

ഉയർന്ന UV index രേഖപെടുത്തിയ ജില്ലകൾ

കൊല്ലം : 10
പത്തനംതിട്ട : 9
ആലപ്പുഴ: 9
ഇടുക്കി: 9
പാലക്കാട്‌ : 8
മലപ്പുറം : 8

ഉയർന്ന അൾട്രാ വയലറ്റ് സൂചിക രേഖപ്പെടുത്തിയതിനാൽ രാവിലെ 10 മുതൽ വൈകീട്ട് 3 വരെ നേരിട്ടു വെയിലേൽക്കുന്നത് പരമാവധി ഒഴിവാക്കണമെന്നു ദുരന്തനിവാരണ അതോറിറ്റിയുടെ മുന്നറിയിപ്പ്.വെയിലത്ത് ജോലി ചെയ്യുന്നവരും ചർമ, നേത്ര രോ​ഗങ്ങൾ ഉള്ളവരും കാൻസർ പോലെ ​ഗുരുതര രോ​ഗങ്ങളോ രോ​ഗ പ്രതിരോധ ശേഷി കുറഞ്ഞവരും പ്രത്യേക ജാ​ഗ്രത പുലർത്തണം. നാളെയും മറ്റന്നാളും കേരളത്തിൽ കൂടുതൽ സ്ഥലങ്ങളിൽ വേനൽ മഴക്ക് സാധ്യത.