ചാരപ്രവർത്തനത്തിൽ ഏർപ്പെട്ട ഇന്ത്യൻ യൂട്യൂബർമാരെ നിയന്ത്രിച്ചത് പാക് പൊലീസിലെ മുൻ ഉദ്യോഗസ്ഥനെന്ന് വിവരം. പാക് പൊലീസിലെ മുൻ സബ് ഇൻസ്‌പെക്ടർ നാസിർ എന്നയാളെ സംബന്ധിച്ച് നിർണായക വിവരം ഇന്ത്യൻ ഏജൻസികൾക്ക് ലഭിച്ചു. നാസിറും അദ്ദേഹത്തിന്റെ വനിത സുഹൃത്തും ആണ് യൂട്യൂബർമാർക്കും ഐഎസ്ഐക്കും ഇടയിൽ പാലമായി പ്രവർത്തിച്ചിരുന്നത്.ഫൈസലാബാദ് സ്വദേശിയായ നാസിറിനെ സംബന്ധിച്ച നിർണ്ണായക വിവരങ്ങൾ ഇന്ത്യൻ ഏജൻസികൾക്ക് ലഭിച്ചു. ‘ട്രാവൽ വിത്ത് ജോ’ എന്ന ട്രാവൽ യൂട്യൂബ് അക്കൗണ്ട് നടത്തുന്ന ജ്യോതി മൽഹോത്രയെ നസീർ ധില്ലനും അറിയാം. കൂടാതെ ഇസ്ലാമാബാദ് നടത്തുന്ന ചാരവൃത്തി സംഘത്തിലെ ആദ്യ ചാരന്മാരിൽ ഒരാളും അറസ്റ്റിലായി.പാകിസ്താൻ പോലീസിലെ നൂറുകണക്കിന് മുൻ പോലീസ് ഉദ്യോഗസ്ഥർ ഇന്ത്യൻ യൂട്യൂബർമാരെ ലക്ഷ്യമിടുന്ന ചാരവൃത്തി റാക്കറ്റിൻ്റെ ഭാഗമാണെന്നും സുരക്ഷാ ഏജൻസികൾ സംശയിക്കുന്നു. ‘ജാൻമഹൽ വീഡിയോ’ എന്ന പേരിൽ ഒരു യൂട്യൂബ് ചാനൽ നടത്തുന്ന ജസ്ബീർ സിംഗ്, ഇന്ത്യൻ സേനയുടെ നീക്കത്തെക്കുറിച്ചുള്ള വിവരങ്ങൾ ഐഎസ്ഐക്ക് കൈമാറിയെന്ന കുറ്റത്തിന് ബുധനാഴ്ച അറസ്റ്റിലായിരുന്നു. തീവ്രവാദ പിന്തുണയുള്ള ചാര ശൃംഖലയുടെ ഭാഗമായ ഷക്കീർ എന്ന ഐഎസ്ഐ ഓഫീസറായ ജട്ട് രന്ധവയുമായി ഇയാൾ ബന്ധപ്പെട്ടിരുന്നതായി പഞ്ചാബ് പോലീസ് ഡയറക്ടർ ജനറൽ (ഡിജിപി) ഗൗരവ് യാദവ് പറഞ്ഞു