പാടത്ത് പുല്ലു വെട്ടാനിറങ്ങിയ സ്ത്രീകൾ തണുപ്പ് സഹിക്കാനാവാതെ കുഴഞ്ഞു വീണു

തണുപ്പ് സഹിക്കാനാവാതെ പാടത്ത് വെള്ളത്തിൽ പുല്ലു വെട്ടാനിറങ്ങിയ സ്ത്രീകൾ കുഴഞ്ഞുവീണു. കടുത്തുരുത്തി വാലാച്ചിറയിലെ സംസ്ഥാന വിത്തുൽപാദന കേന്ദ്രത്തിലാണ് സംഭവം.പാടത്ത് കഴുത്തറ്റം വെള്ളത്തിൽ പുല്ലുവെട്ടാനിറങ്ങിയ 3 തൊഴിലാളി സ്ത്രീകൾ കുഴഞ്ഞു വീഴുകയായിരുന്നു. അജി മോൾ (42), അമ്പിളി (43), സുധാ മോൾ (36) എന്നീ തൊഴിലാളികളാണ് ചികിത്സ തേടിയത്. തണുപ്പു സഹിക്കാനാകാതെ മരവിച്ചു വീഴുകയായിരുന്നുവെന്ന് ഒപ്പമുണ്ടായിരുന്നവർ പറഞ്ഞു. 3 ദിവസമായി കഴുത്തറ്റം വെള്ളത്തിൽ പാടത്ത് പുല്ലുവെട്ടുകയായിരുന്നു തൊഴിലാളികൾ.ഇവർ കടുത്തുരുത്തി സഹകരണ ആശുപത്രിയിൽ ചികിത്സയിലാണ്.