10 വർഷം പഴക്കമുള്ള ആധാർ കാർഡ് പുതുക്കിയില്ലെങ്കിൽ റദ്ദാക്കപ്പെടുമോ?
ഈ സംശയം ഇന്ന് എല്ലാവരെയും അലട്ടുന്ന ഒന്നാണ്.
ഇപ്പോൾ സോഷ്യൽ മീഡിയ വഴി വ്യാജ വാർത്തകളാണ് പ്രചരിക്കുന്നത്.
എന്നാൽ, ഇതിനൊന്നും യാതൊരുവിധ അടിസ്ഥാനവുമില്ല.
പത്ത് വർഷത്തിന് ശേഷം ആധാർ പുതുക്കുന്നത് നിർബന്ധമല്ലെന്ന് യുണീക്ക് ഐഡൻ്റിഫിക്കേഷൻ അതോറിറ്റി ഓഫ് ഇന്ത്യ വ്യക്തമാക്കിയിട്ടുണ്ട്.
ഓൺലൈനായി ആധാർ അപ്ഡേറ്റ് ചെയ്യുന്നതിന് യുണീക്ക് ഐഡൻ്റിഫിക്കേഷൻ അതോറിറ്റി ഓഫ് ഇന്ത്യയുടെ വെബ്സൈറ്റ് ആയ myaadhaar.uidai.gov.in- വഴി ചെയ്യാവുന്നതാണ്.
എന്നാൽ, ആധാർ പുതുക്കിയില്ലെങ്കിലും അത് മുമ്പത്തെപ്പോലെ തന്നെ പ്രവർത്തിക്കും.
റദ്ദാക്കപ്പെടുകയോ പ്രവർത്തനരഹിതമാകുകയോ ചെയ്യില്ല.
ജൂൺ 15 വരെ മാത്രമാണ് സൗജന്യമായി പുതുക്കാൻ സാധിക്കുക.
ആധാറിന് പത്ത് വർഷത്തിലധികം പഴക്കമുണ്ടെങ്കിൽ ആ സമയത്തിനകം വിലാസമോ നഗരമോ മാറ്റിയിട്ടുണ്ട് എങ്കിൽ തിരിച്ചറിയൽ രേഖയായി ഇത് നല്കാൻ കഴിയില്ല.
അതിനാൽ ആധാർ പുതുക്കേണ്ടത് ആവശ്യമായി വരുന്നുണ്ട്.