വേണ്ടത്ര മുൻകരുതലുകളില്ലാതെ ജലസംഭരണി പൊളിച്ചുമാറ്റുന്നതിനിടെ കോൺക്രീറ്റ് കട്ടകൾ തെറിച്ചുവീണ് വൈദ്യുത തൂണും വില്ലേജ് ഓഫീസും തകർന്നു. ഇന്നലെ വൈകിട്ട് നാലരയോടെ പാലക്കാട് ആണ് സംഭവം.ജലസംഭരണി പൊളിക്കുന്നതിനിടെ കോൺക്രീറ്റ് കട്ടകൾ സമീപത്തെ വൈദ്യുതി തൂണിലേക്ക് വീഴുകയായിരുന്നു. വീഴ്ചയുടെ ആഘാതത്തിൽ തകർന്ന വൈദ്യുത തൂൺ തൊട്ടടുത്ത വീട്ടിലേക്ക് പതിക്കുകയും, കോൺക്രീറ്റ് അവശിഷ്ടങ്ങൾ വീണ് കൊല്ലങ്കോട് വില്ലേജ് ഓഫീസിന് കേടുപാടുകൾ സംഭവിക്കുകയും ചെയ്തു. അപകട സമയത്ത് ആളപായമൊന്നും ഉണ്ടാകാതിരുന്നത് ഭാഗ്യം കൊണ്ടുമാത്രമാണെന്ന് നാട്ടുകാർ പറഞ്ഞു.