ആകാശവാണി തൃശൂർ പ്രോഗ്രാം മേധാവി എം ബാലകൃഷ്ണൻ അന്തരിച്ചു.58 വയസ്സായിരുന്നു. ഹൃദയമാഘാതതെ തുടർന്ന് പുലർച്ചെ രണ്ടിനാണ് മരണം സംഭവിച്ചത്.ഒറ്റപ്പാലം കണ്ണിയംപുറത്ത് ജെകെ നഗറില്‍ തെക്കും പുറത്തെ വീട്ടില്‍ പരേതനായ രാമകുമാറിന്റേയും സ്വർണ്ണ കുമാരിയുടേയും മകനാണ്. സംസ്കാരം തിരുവില്വാമല ഐവർമഠത്തില്‍ ഇന്നുച്ചയ്ക്ക് 12 മണിക്ക് നടക്കും. 90 കളില്‍ ആകാശവാണിയില്‍ പൊതുജനങ്ങളുമായി നേരിട്ട് സംവദിക്കുന്നരീതിയില്‍ പ്രോഗ്രാമുകള്‍ കൊണ്ടുവന്നത് എം ബാലകൃഷ്ണന്റെ നേതൃത്വത്തിലായിരുന്നു.ജനങ്ങളുടെ പ്രശ്നങ്ങള്‍ ജനങ്ങളെക്കൊണ്ട് നേരിട്ടു പറയിപ്പിക്കുന്ന രീതിയില്‍ വ്യത്യസ്തമായ കാഴ്ചപ്പാട് ആകാശവാണിയില്‍ കൊണ്ടുവന്നത് ഇദ്ദേഹമായിരുന്നു.പിആർഡി ഡെപ്യൂട്ടി ഡയറക്ടറായി വിരമിച്ച സുലഭ ഭാര്യയാണ്.