ഫോര്ട്ടുകൊച്ചിയില് ഓട്ടോറിക്ഷ മറിഞ്ഞ് പത്താം ക്ലാസ് വിദ്യാര്ഥിനിക്ക് ദാരുണാന്ത്യം.നാളെ ഐ.സി.എസ്.ഇ പത്താംക്ലാസ് പരീക്ഷയെഴുതാനിരിക്കെയാണ് അപകടം സംഭവിച്ചത്. അമരാവതി ധർമ്മശാല റോഡിൽ ദർശന ജയറാം ആണ് മരിച്ചത്. പരീക്ഷാത്തലേന്ന് അവസാനവട്ട ഒരുക്കത്തിന്റെ ഭാഗമായി ഓട്ടോറിക്ഷയിൽ ട്യൂഷന് പോകുമ്പോഴായിരുന്നു അപകടം. ബസിന് സൈഡ് കൊടുത്തപ്പോൾ ഓട്ടോ മറിയുകയും ദർശന അടിയിൽ പെടുകയുമായിരുന്നു. പള്ളുരുത്തി സെൻ്റ് അലോഷ്യസ് സ്കൂൾ വിദ്യാർഥിനിയായിരുന്നു ദര്ശന.