ജനാധിപത്യത്തിന്റെ ആത്മാവിനും സാമൂഹ്യ നീതിക്കും വിരുദ്ധമായ എഫ് സി ആർ എ നിയമഭേദഗതി അടിയന്തരമായി കേന്ദ്രസർക്കാർ പിൻവലിക്കണമെന്ന് മുഖ്യമന്ത്രി പിണറായി വിജയൻ.തിടുക്കപ്പെട്ടാണ് പാർലമെന്റിലൂടെ ഭേദഗതി കൊണ്ടുവരാൻ കേന്ദ്രസർക്കാർ ശ്രമിക്കുന്നത്.ഭേദഗതിയെക്കുറിച്ച് രാജ്യമാകെ ഗൗരവമായ ആശങ്ക ഉയരുന്നു.നിസ്സഹായരായ ജനങ്ങൾക്ക് ലഭിക്കുന്ന സഹായങ്ങൾ തടയുന്ന രീതിയിലാണ് ഭേദഗതി നീങ്ങുന്നതെന്ന ആശങ്കയാണ് ഉയർന്നുവരുന്നത്.സാമൂഹ്യ സേവന മേഖലയിൽ പ്രവർത്തിക്കുന്ന നിരവധി സംഘടനകളുടെ പ്രവർത്തന സ്വാതന്ത്ര്യത്തെ ബാധിക്കും.പാവപ്പെട്ടവർക്ക് ലഭിക്കുന്ന സാമ്പത്തിക സഹായത്തെ ഗുരുതരമായി ബാധിക്കുമെന്നും ആശങ്ക.വിഷയത്തിൽ സർക്കാരിനും ആശങ്കയുണ്ട്.ന്യൂനപക്ഷ വിഭാഗങ്ങൾക്ക് വലിയ ആഘാതമാണ്.രാഷ്ട്രീയ അജണ്ടയുടെ ഭാഗമായാണ് നീക്കമെന്നും മുഖ്യമന്ത്രി.മാരീച വേഷമണിഞ്ഞവരുടെ യഥാർത്ഥ ഉദ്ദേശം വ്യക്തമാണ്.ബി ജെ പിയിൽ എത്തിപ്പെട്ട ന്യൂനപക്ഷ വിഭാഗത്തിൽപ്പെട്ട ചിലർ ആ വിഭാഗത്തെയാകെ തള്ളിപ്പറയാൻ തയ്യാറാകുന്നുവെന്നും മുഖ്യമന്ത്രി.