കേരള പൊലീസിന്റെ അടിസ്ഥാന സൗകര്യങ്ങള് വികസിപ്പിക്കുന്നതിന്റെ ഭാഗമായി വിവിധ ജില്ലകളില് നിര്മ്മാണം പൂര്ത്തിയാക്കിയ പൊലീസ് മന്ദിരങ്ങളുടെ ഉദ്ഘാടനവും പുതിയ കെട്ടിടങ്ങളുടെ തറക്കല്ലിടലും 2025 ആഗസ്റ്റ് 12 (ചൊവ്വാഴ്ച്ച) വൈകിട്ട് 03.30 ന് കണ്ണൂരിലെ ദിനേഷ് ആഡിറ്റോറിയത്തില് വച്ച് നടക്കുന്ന ചടങ്ങില് മുഖ്യമന്ത്രി പിണറായി വിജയന് നിര്വ്വഹിക്കും.ആകെ 27.01 കോടി രൂപ ചെലവഴിച്ചു വിവിധ ജില്ലകളിലായി നിര്മ്മാണം പൂര്ത്തിയാക്കിയ 12 പോലീസ് മന്ദിരങ്ങളുടെ ഉദ്ഘാടനവും അഞ്ച് കെട്ടിടങ്ങളുടെ ശിലാസ്ഥാപനവുമാണ് അദ്ദേഹം നിര്വ്വഹിക്കുന്നത്.തുറമുഖ വകുപ്പുമന്ത്രി കടന്നപ്പള്ളി രാമചന്ദ്രന് അധ്യക്ഷത വഹിക്കുന്ന ചടങ്ങില് എം.എല്.എമാരായ എം.വി ഗോവിന്ദന് മാസ്റ്റര്, കെ.വി സുമേഷ്, എ.ഡി.ജി.പിമാരായ എസ്. ശ്രീജിത്ത്, എച്ച്. വെങ്കിടേഷ്, ഉത്തരമേഖലാ ഐ.ജി രാജ്പാല് മീണ, കണ്ണൂര് റേയ്ഞ്ച് ഡി.ഐ.ജി യതീഷ് ചന്ദ്ര ജി.എച്ച്, കണ്ണൂര് സിറ്റി പോലീസ് കമ്മീഷണര് നിധിന് രാജ്.പി, മുതിര്ന്ന പോലീസ് ഓഫീസര്മാര്, ജനപ്രതിനിധികള്, പോലീസ് ഉദ്യോഗസ്ഥര് എന്നിവര് പങ്കെടുക്കും.