മാര്‍ച്ച് ഏഴിന് സൗജന്യ തൊഴില്‍ മേള 

വടക്കഞ്ചേരി ഗ്രാമപഞ്ചായത്ത് കമ്മ്യൂണിറ്റി ഹാളില്‍ കുടുംബശ്രീ ജില്ലാ മിഷന്റെ ആഭിമുഖ്യത്തില്‍ ഡി.ഡി.യു.ജി.കെ.വൈ, കേരള നോളജ് ഇക്കോണമി മിഷന്‍ പദ്ധതികളുടെ ഭാഗമായി മാര്‍ച്ച് ഏഴിന് സൗജന്യ തൊഴില്‍ മേള നടത്തും.

രാവിലെ 9.30 മുതല്‍ വൈകിട്ട് മൂന്ന് വരെയാണ് തൊഴില്‍മേള.

എസ്.എസ്.എല്‍.സി, പ്ലസ് ടു, ഐ.ടി.ഐ, ഡിപ്ലോമ, ഡിഗ്രി, പി.ജി അടിസ്ഥാന യോഗ്യതയുള്ള ഉദ്യോഗാര്‍ത്ഥികള്‍ക്കും ഡി.ഡി.യു.ജി.കെ.വൈ, യുവകേരളം പദ്ധതിയിലൂടെ പരിശീലനം പൂര്‍ത്തിയാക്കിയവര്‍ക്കും പങ്കെടുക്കാം.

ഉച്ചയ്ക്ക് 12.30 വരെ സ്‌പോട്ട് രജിസ്ട്രേഷന്‍ സൗകര്യമുണ്ടായിരിക്കും.

കരിയര്‍ ബ്രേക്ക് വന്ന വനിതകള്‍ക്കുള്‍പ്പെടെ തൊഴില്‍ മേളയില്‍ പങ്കെടുക്കാം.

കോണ്‍ഫിഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീസിന്റെ സഹകരണത്തോടെ സംഘടിപ്പിക്കുന്ന തൊഴില്‍മേളയില്‍ പ്രാദേശിക കമ്പനികള്‍ ഉള്‍പ്പെടെ സംസ്ഥാനത്തിനകത്തും പുറത്തുമുള്ള പ്രമുഖ കമ്പനികള്‍ ആയിരത്തിലധികം ഒഴിവുകളിലേക്ക് നിയമനം നടത്തും.

താത്പര്യമുള്ളവര്‍ https://knowledgemission.kerala.gov.in ല്‍ രജിസ്റ്റര്‍ ചെയ്യണം.

തൊഴില്‍മേളയില്‍ പങ്കെടുക്കുന്നവര്‍ അഞ്ച് പകര്‍പ്പ് ബയോഡാറ്റ കൊണ്ടുവരണം.

ഫോണ്‍: 9846118569, 7907505913, 9745090112.