ലോകത്തിലെ ഏറ്റവും വലിയ ജനാധിപത്യ രാജ്യങ്ങളിലൊന്നാണ് ഇന്ത്യ.
ഉത്തരവാദിത്തമുള്ള ഒരു പൗരൻ ഒരു തിരഞ്ഞെടുപ്പിൽ വോട്ട് രേഖപ്പെടുത്തേണ്ടതുണ്ട്.
രാജ്യം ഭരിക്കാൻ ഏറ്റവും യോഗ്യമായ രാഷ്ട്രീയ പാർട്ടിയെ തിരഞ്ഞെടുക്കേണ്ടത് ഒരു പൌരൻ്റെ കടമയാണ്.
വോട്ട് അഥവാ സമ്മതിദാനാവകാശം നമുക്ക് ഭരണഘടന നൽകിയിരിക്കുന്ന ഒരു പ്രധാനപ്പെട്ട അവകാശമാണ്.
തെരഞ്ഞെടുപ്പിൽ വോട്ടുചെയ്യാൻ നിയമപരമായ അവകാശമുള്ള ആളുകളാണ് വോട്ടർമാർ.
ഒരു പൗരന് വോട്ടർ രജിസ്ട്രേഷൻ ഇല്ലെങ്കിൽ ഇന്ത്യയിൽ വോട്ട് ചെയ്യാൻ കഴിയില്ല.
ഇന്ത്യൻ ജനാധിപത്യത്തിൻ്റെ അടിത്തറയാണ് ഓരോ പൌരനും ചെയ്യുന്ന വോട്ട്.
ഇന്ത്യൻ രാഷ്ട്രീയം വളരുന്നതും രൂപപ്പെടുന്നതും അധികാരത്തിൽ വരുന്നതും പൌരന്മാർ ചെയ്യുന്ന വോട്ടുകളുടെ അടിസ്ഥാനത്തിലാണ്.
അതുകൊണ്ടു തന്നെ ജനാധിപത്യത്തിലെ ഒരു നിർണായക ഘടകമാണ് വോട്ട്.
ഓരോ പൌരൻ്റെ വോട്ടും വിലപ്പെട്ടതാണ്, നിർണായകമാണ്.
ഇന്ത്യൻ ഭരണഘടനയിലെ അനുച്ഛേദം (ആർട്ടിക്കിൾ) 326 ഓരോ പൌരനും വോട്ടവകാശം നൽകുന്നു.
18 വയസ്സിന് മുകളിലുള്ള എല്ലാ ഇന്ത്യൻ പൗരന്മാർക്കും വോട്ടിംഗ് പ്രക്രിയയിൽ പങ്കെടുക്കുന്നതിന് വോട്ടർ രജിസ്ട്രേഷൻ അത്യാവശ്യമാണ്.
വോട്ടർ രജിസ്ട്രേഷൻ ചെയ്താലേ ഓരോ പൌരനും വോട്ടവകാശം ലഭിക്കുകയുള്ളൂ.
അതായത് പൌരൻ ഒരു വോട്ടർ ആവുകയുള്ളൂ.
വോട്ട് ചെയ്യാനുള്ള കുറഞ്ഞ പ്രായം 18 ആണ്.
തുടക്കത്തിൽ ഇത് 35 ആയിരുന്നെങ്കിലും പിന്നീട് 21 ആയും അതിനു ശേഷം 18 ആയും കുറച്ചു.
പ്രാദേശിക, നിയമസഭാ, ലോക് സഭാ തിരഞ്ഞെടുപ്പുകളിൽ വോട്ടു ചെയ്യാൻ ഒരു വോട്ടറിന് അവകാശമുണ്ട്.
അതായത് ദേശീയ, സംസ്ഥാന, ജില്ലാ, കോർപ്പറേഷൻ, മുൻസിപ്പൽ, പഞ്ചായത്ത് തലങ്ങളിൽ വോട്ട് രേഖപ്പെടുത്താൻ ഒരു വോട്ടർക്ക് സാധിക്കും.
ഒരു പൌരന് വോട്ടറായി രജിസ്റ്റർ ചെയ്യാൻ 18 വയസ്സ് പൂർത്തിയാകണം, ഇന്ത്യൻ പൌരനാകണം, ഒരു സ്ഥിരമായ മേൽവിലാസം ഇന്ത്യയിൽ ഉണ്ടാകണം.
ഒരു തിരഞ്ഞെടുപ്പിൽ ഒരു വോട്ടറിന് ഒരേ ഒരു വോട്ട് മാത്രമേ ഉണ്ടാകൂ.
അതായത് ഒരേ ഒരു പ്രാവശ്യമേ വോട്ട് ചെയ്യാൻ സാധിക്കുകയുള്ളൂ.
ഒന്നിൽ കൂടുതൽ മണ്ഡലങ്ങളിൽ വോട്ട് ചെയ്താൽ ആ വോട്ടറിന് അയോഗ്യത കൽപ്പിക്കുന്നതാണ്.
തിരഞ്ഞെടുപ്പുകളിൽ തടവുകാർക്ക് വോട്ട് ചെയ്യാൻ അനുവാദമില്ല.
മറ്റൊരു രാജ്യത്തിൻ്റെ പൗരത്വമുള്ള ഒരു പ്രവാസി ഇന്ത്യക്കാരൻ വോട്ടർ രജിസ്ട്രേഷന് യോഗ്യനല്ല.
മാനസിക സമനില (മനോനില) തെറ്റിയിട്ടുള്ള ഒരാൾക്കും അതായത് നിയമപരമായി മാനസികവിഭ്രാന്തി (mentally insane) ആയ ഒരാൾക്ക് വോട്ട് ചെയ്യാൻ അവകാശമില്ല.
ഇന്ത്യയിൽ തിരഞ്ഞെടുപ്പ് പ്രക്രിയയിൽ പങ്കെടുക്കാൻ അർഹതയുള്ള എല്ലാ വോട്ടർമാരും പോളിംഗ് ബൂത്തിൽ നേരിട്ട് എത്തി വോട്ട് ചെയ്യേണ്ടതുണ്ട്.
വോട്ടർമാർക്ക് വോട്ട് ചെയ്യാതിരിക്കാനുള്ള അവകാശം നൽകിയിട്ടുണ്ട്.
അത് വോട്ടിംഗ് മെഷീനിൽ രേഖപ്പെടുത്തിയിട്ടുണ്ട്.
നോട്ട വോട്ട് എന്നും അറിയപ്പെടുന്നു.
തിരഞ്ഞെടുപ്പിൽ മത്സരിക്കുന്ന ഒരു സ്ഥാനാർത്ഥിക്കും വോട്ട് ചെയ്യരുതെന്ന് ഒരു വോട്ടർക്ക് തിരഞ്ഞെടുക്കാം.
ഇതാണ് NOTA അഥവാ (None of the Above).
ഈ രീതിയിൽ, വോട്ടർമാർ തിരഞ്ഞെടുപ്പ് പ്രക്രിയയിൽ പങ്കെടുക്കുകയും മത്സരിക്കുന്ന സ്ഥാനാർത്ഥികൾക്ക് വോട്ടുചെയ്യണോ വേണ്ടയോ എന്ന് തിരഞ്ഞെടുക്കാനുള്ള അവരുടെ അവകാശം വിനിയോഗിക്കുകയും ചെയ്യുന്നു.
ഇലക്ഷൻ കോഡിൻ്റെ മാർഗ്ഗനിർദ്ദേശങ്ങൾ അനുസരിച്ച്, ശാരീരിക അവശതകൾ മൂലമോ മറ്റ് ശാരീരിക അവശതകൾ മൂലമോ വോട്ട് ചെയ്യാൻ കഴിയാതെ വരികയും പോസ്റ്റൽ ബാലറ്റ് വഴി വോട്ട് ചെയ്യാൻ സാധിക്കാതിരിക്കുകയും ചെയ്യുന്ന വോട്ടർമാർക്ക് വോട്ട് രേഖപ്പെടുത്തുന്ന ഇലക്ടറൽ ഓഫീസറുടെ സഹായം തേടാം.
പോസ്റ്റൽ ബാലറ്റ് എന്നറിയപ്പെടുന്ന തപാൽ വഴി വോട്ടിംഗ് ചില കാരണങ്ങളാൽ നേരിട്ട് പോളിംഗ് ബൂത്ത് സന്ദർശിക്കാൻ കഴിയാത്ത വ്യക്തികൾക്കായി നടത്തുന്നു.
വോട്ടിംഗ് പ്രക്രിയയിൽ പങ്കെടുക്കുന്നതിനും വോട്ടർ രജിസ്ട്രേഷനോ വോട്ടർ ഐഡി കാർഡോ നേടുന്നതിനും ഇന്ത്യൻ പൗരന്മാർ ഇന്ത്യൻ തിരഞ്ഞെടുപ്പ് കമ്മീഷനിൽ വോട്ടർമാരായി എൻറോൾ ചെയ്യണം.
രജിസ്റ്റർ ചെയ്ത വോട്ടർ തൻ്റെ ബാലറ്റ് സ്വയം വിനിയോഗിക്കുന്നുണ്ടെന്നും ആൾമാറാട്ടം നടത്തുന്നയാൾ തൻ്റെ വോട്ട് ഉപയോഗിക്കുന്നില്ലെന്നും ഉറപ്പാക്കുന്നതിനാണ് വോട്ടറായി രജിസ്റ്റർ ചെയ്യുന്നത്.
വോട്ടറായി ഓൺലൈനായോ ഓഫ് ലൈനായോ എൻറോൾ ചെയ്യാം.
ഓൺലൈനായി https://voters.eci.gov.in/ എന്ന വെബ് സൈറ്റിൽ പോയി രജിസ്റ്റർ ചെയ്യാം.
അതിലെ നിർദ്ദേശങ്ങൾ അനുസരിച്ച് വേണ്ട പ്രമാണങ്ങളും ഫോട്ടോയും അപ് ലോഡ് ചെയ്യണം.
അല്ലെങ്കിൽ ഇലക്ഷൻ രജിസ്ട്രേഷൻ ഓഫീസിൽ നേരിട്ട് പോയി ഫോം പൂരിപ്പിച്ച് നൽകാം.
ഓരോ പൌരൻ്റെയും വിലപ്പെട്ട വോട്ട് ഉറപ്പായും വിനിയോഗിക്കേണ്ടത് ഓരോരുത്തരുടേയും കടമയാണ്.