ബോളിവുഡ് ഗായകരേയും താരങ്ങളേയും വരെ അമ്പരിപ്പിച്ച് ഒടുവില് സോണി ടി വിയിലെ സൂപ്പര് സ്റ്റാര് സിംഗർ 3 വിജയിയായി മലയാളി ബാലൻ കൊച്ചീക്കാരൻ കൊച്ചു മിടുക്കന് ആവിർഭവ്.
പ്രായത്തില് ഒരുപാട് മുതിര്ന്നവരെ തോല്പ്പിച്ചാണ് അവിര്ഭവ് ഈ സീസണിന്റെ വിജയി ആയത്. അവിര്ഭവിനൊപ്പം അഥര്വ് ബക്ഷി എന്ന മിടുക്കനും ഒന്നാം സ്ഥാനം പങ്കിട്ടു.
മലയാളം റിയാലിറ്റി ഷോയില് പങ്കെടുത്തിട്ടുണ്ടെങ്കിലും മലയാളത്തില് കിട്ടാത്ത സ്വീകാര്യതയാണ് ഹിന്ദി റിയാലിറ്റി ഷോയില് ഈ കൊച്ചു മിടുക്കന് ലഭിച്ചത്.
ഇന്ത്യയുടെ പല ഭാഗത്തു നിന്നുള്ള കുട്ടികള് മാറ്റുരയ്ക്കുന്ന ഷോയാണ് സൂപ്പര് സ്റ്റാര് സിംഗർ.
ഏറ്റവും മികച്ച ഗായകരാണ് ഈ റിയാലിറ്റി ഷോയിലേക്ക് സെലക്ട് ആവുന്നത് പോലും. ഈ മികച്ച കുട്ടി ഗായകരില് നിന്നാണ് ഏറ്റവും ചെറിയ കുട്ടിയായ അവിര്ഭവ് ഒന്നാം സ്ഥാനത്ത് എത്തുന്നത്.
റിയാലിറ്റി ഷോയുടെ ആദ്യ ദിവസം ഒരു കസേരയുമായി വന്ന് അതില് കയറി നിന്നായിരുന്നു അവിര്ഭവ് പാട്ടു പാടിയത്. അന്നു തന്നെ പ്രേക്ഷകരുടെ മനം കവരാന് ഈ കൊച്ചു മിടുക്കനായി.
മലയാളികളേക്കാളും കൂടുതല് ആരാധകരെയും ഇന്ത്യയുടെ ഇതര സംസ്ഥാനങ്ങളില് ഉണ്ടാക്കിയെടുക്കാന് ഈ പരിപാടിയിലൂടെ അവിര്ഭവിന് കഴിഞ്ഞു.
കോഴിക്കോട്ടുകാരി ദേവന ശ്രീയയും നിരവധി ആരാധകരെ സൃഷ്ടിച്ചാണ് സൂപ്പര് സ്റ്റാര് സിംഗർ ഫിനാലെ വേദി വിട്ടത്. സ്വരമാധുര്യം കൊണ്ടും വോയിസ് കണ്ട്രോളിങിലൂടെയുമാണ് നേഹാ കാക്കര് ദേവി എന്ന് വിളിപ്പേരിട്ട ദേവനശ്രിയ ബോളിവുഡിന്റെ മനസ് കീഴടക്കിയത്.
ദേവനശ്രീയയുടെ ആലാപന ശൈലിയില് ലതാ മങ്കേഷ്ക്കറെന്നാണ് പലരും വിശേഷിപ്പിച്ചത്.