ആശുപത്രിയിൽ ചികിത്സയിൽ കഴിയുന്ന പേരക്കുട്ടിക്ക് കഴിക്കാൻ ഭക്ഷണവുമായി പോയ ഗൃഹനാഥൻ വാഹനാപകടത്തിൽ മരിച്ചു.കോഴിക്കോട് മണക്കടവ് തുമ്പോളി മുയ്യായിൽ ബാലകൃഷ്ണൻ (65) ആണ് കഴിഞ്ഞ ദിവസമുണ്ടായ അപകടത്തിൽ മരിച്ചത്. പുതിയ ആറുവരിപ്പാതയിൽ തൊണ്ടയാട് വെച്ചാണ് ഇന്നലെ വൈകീട്ടോടെ അപകടമുണ്ടായത്. ബാലകൃഷ്ണൻ സഞ്ചരിച്ച ബൈക്ക് കാറുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ ഇദ്ദേഹത്തെ ഉടൻ തന്നെ സമീപത്തെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളേജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.