വണ്ടൂരില്‍ വെള്ളിയാഭരണ കടയുടെ ഭിത്തി തുരന്ന് വൻ മോഷണം.മാസ്കും തൊപ്പിയും ധരിച്ചെത്തിയ കള്ളൻ അതിവിദഗ്ധമായാണ് കടയ്ക്കകത്ത് കടന്ന് രണ്ട് കിലോയോളം വരുന്ന വെള്ളിയാഭരണങ്ങള്‍ കവർന്നത്.കഴിഞ്ഞദിവസം രാത്രിയിലാണ് വണ്ടൂർ ടൗണിലെ വെള്ളിയാഭരണ കടയില്‍ മോഷണം നടന്നത്. ഒരാള്‍ക്ക് കഷ്ടിച്ച്‌ കടന്നുപോകാൻ പാകത്തില്‍ കടയുടെ ഭിത്തി തുരന്നാണ് മോഷ്ടാവ് ഉള്ളില്‍ പ്രവേശിച്ചത്. തുടർന്ന് ആഭരണങ്ങളെല്ലാം കവരുകയായിരുന്നു. ഏകദേശം രണ്ട് കിലോയോളം തൂക്കം വരുന്ന വെള്ളിയാഭരണങ്ങള്‍ നഷ്ടപ്പെട്ടിട്ടുണ്ടെന്നാണ് വ്യക്തമാകുന്നത്.