എൻസിപി അധ്യക്ഷ സ്ഥാനത്തേക്ക് ആര് വന്നാലും താൻ പിന്തുണയ്ക്കുമെന്ന് എ കെ ശശീന്ദ്രൻ.എൻസിപി സ്ഥാനത്തേക്ക് ആരും അയോഗ്യരല്ല. എല്ലാവർക്കും ഓരോ കഴിവുകളുണ്ടെന്നും അദ്ദേഹം പറഞ്ഞു. തോമസ് കെ തോമസ് യോഗ്യനാണോ അല്ലയോ എന്ന് ഞാൻ എങ്ങനെ തീരുമാനിക്കാനാണെന്നും അദ്ദേഹം ചോദിച്ചു. പിസി ചാക്കോയുടെ രാജി അദ്ദേഹം പെട്ടെന്നെടുത്ത തീരുമാനമാണ്. അദ്ദേഹം സ്വമേധയാ രാജിവച്ചതാണ്. അതിലിനി ചർച്ച നടത്തിയിട്ട് കാര്യമുണ്ടോയെന്നും എകെ ശശീന്ദ്രൻ പറഞ്ഞു. എൻറെ പാർട്ടിയില്‍ ഏറ്റവും ശക്തി കുറഞ്ഞ പ്രവർത്തകനാണ് ഞാൻ. പാർട്ടിയെ ലംഘിക്കുന്ന ഒരു നിലപാട് ഞാൻ സ്വീകരിക്കില്ലെന്നും അദ്ദേഹം പറഞ്ഞു.