ജാവഡേക്കറുമായുള്ള കൂടിക്കാഴ്ച വിവാദമാക്കിയത് സിപിഎമ്മിനും എല്‍ഡിഎഫിനും എതിരായ സംഘടിത ഗൂഢാലോചന: ഇ.പി ജയരാജന്‍
പ്രകാശ് ജാവഡേക്കറുമായുള്ള കൂടിക്കാഴ്ച വിവാദമാക്കിയത് സിപിഐഎമ്മിനും എല്‍ഡിഎഫിനും എതിരായ സംഘടിത ഗൂഢാലോചന എന്ന് എല്‍ഡിഎഫ് കണ്‍വീനര്‍ ഇ.പി ജയരാജന്‍.
തന്നെ ആര്‍എസ്എസ് മൂന്നുതവണ കൊലപ്പെടുത്താന്‍ ശ്രമിച്ചിട്ടുണ്ടെന്നും അങ്ങനെയൊരാള്‍ ബിജെപിയില്‍ പോകുമെന്ന് എങ്ങനെ വാര്‍ത്ത നല്‍കുമെന്ന് ഇ.പി ജയരാജന്‍ ചോദിച്ചു.
ശോഭാ സുരേന്ദ്രനുമായി ഒരു പരിചയവുമില്ലെന്നും ടി.ജി നന്ദകുമാറിനെ ഒരു യാത്രായ്ക്കിടയിലാണ് പരിചയപ്പെട്ടതെന്നും അതിനപ്പുറം നന്ദകുമാറുമായി യാതൊരു ബന്ധവുമില്ലെന്നും ചാനലിന് അനുവദിച്ച അഭിമുഖത്തില്‍ ഇ.പി ജയരാജന്‍ വ്യക്തമാക്കി.
ബിജെപി നേതാവ് പ്രകാശ് ജാവഡേക്കറുമായുള്ള കൂടിക്കാഴ്ച വിവാദം തെരഞ്ഞെടുപ്പിനെ ബാധിക്കില്ലെന്നും ഇ.പി കൂട്ടിച്ചേര്‍ത്തു.
കൂടിക്കാഴ്ചയുടെ പേരില്‍ തന്നെ വ്യക്തിഹത്യ ചെയ്യാനുള്ള ശ്രമമാണ് നടക്കുന്നത്. നിയമനടപടിയിലേക്ക് കടക്കില്ലെന്നും ഇ.പി വ്യക്തമാക്കി. മുഖ്യമന്ത്രിയുടെ ‘പാപി’ പരാമര്‍ശം പൊതുസമൂഹത്തിനുള്ള സന്ദേശമെന്നും ഇപി ജയരാജന്‍ പറഞ്ഞു.